Man Stabbed Over Bill: ఉత్తర్ప్రదేశ్లోని జలాన్ జిల్లాలో దారుణం జరిగింది. బిర్యానీ కోసం ఓ వ్యక్తిని కత్తితో పొడిచాడో దుండగుడు. తీవ్ర గాయాలతో చికిత్స బాధితుడి చికిత్స పొందుతున్నాడు.
పోలీసుల వివరాల ప్రకారం.. ఒరాయ్ పోలీస్స్టేషన్ పరిధిలోని రాంజీ అనే వ్యక్తి బిర్యానీ తినడానికి ఓ హోటల్కు వెళ్లాడు. తినడం అయిపోయాక దుకాణాదారుడు రామ్సింగ్కు రూ.50 బిల్లు చెల్లించాడు. అయితే, డబ్బులు చెల్లించలేదని, మళ్లీ ఇవ్వమని రామ్సింగ్.. రాంజీని డిమాండ్ చేశాడు. దీంతో ఇద్దరి మధ్య వివాదం తలెత్తింది. మాటామాటా పెరిగి రామ్సింగ్.. రాంజీని కత్తితో పలుమార్లు పొడిచాడు. అనంతరం అక్కడి నుంచి పారిపోయాడు. తీవ్రగాయాల పాలైన బాధితుడు ఆస్పత్రిలో చికిత్స పొందుతున్నాడు.
ఈ ఘటనపై కేసు నమోదు చేసి.. దర్యాప్తు ప్రారంభించామని ఒరాయ్ ఇన్స్పెక్టర్ తెలిపారు. ఘటనా సమయంలో నిందితుడు, బాధితుడు ఇద్దరూ మత్తులో ఉన్నారని చెప్పారు. నిందితుడు పరారీలో ఉన్నాడని.. త్వరలోనే అరెస్టు చేస్తామన్నారు.
ఇవీ చూడండి: మమతతో సుబ్రహ్మణ్య స్వామి భేటీ, ధైర్యవంతురాలంటూ ప్రశంసలు, మోదీపై ఫైర్
