యువతి అపహరణ.. అత్యాచారం..
ఉత్తర్ప్రదేశ్ బల్లియాలో ఓ యువతిపై అత్యాచారానికి పాల్పడిన వ్యక్తిని పోలీసులు అదుపులోకి తీసుకున్నారు. నిందితునిపై 'పోక్సో' చట్టం కింద కేసు నమోదు చేశారు.
ఇదీ జరిగింది..
ఈ నెల 24న సోనూ సింగ్ అనే వ్యక్తి తన గ్రామానికి చెందిన ఓ యువతిని అపహరించాడు. ఆమెను సమీప ప్రాంతాలైన బల్లియా, కాన్పూర్లకు తీసుకెళ్లి అత్యాచారానికి పాల్పడ్డాడు. బాధితురాలి తల్లి ఫిర్యాదు మేరకు నిందితుడిని అరెస్టు చేసిన పోలీసులు.. ఐపీసీ, పోక్సో చట్టం కింద ఎఫ్‌ఐఆర్ నమోదు చేశారు.
మరోవైపు యువతిని వైద్య పరీక్షల నిమిత్తం ఆసుపత్రికి తరలించారు పోలీసులు. ఘటనపై విచారణ జరుపుతున్నామని.. మరిన్ని వివరాలను త్వరలోనే వెల్లడిస్తామని తెలిపారు.
ఆ మృగాడికి జీవిత ఖైదు
మధ్యప్రదేశ్లో 80 ఏళ్ల వృద్ధురాలిపై అత్యాచారం చేసి, హత్యకు పాల్పడిన కేసులో ఓ వ్యక్తికి జీవిత ఖైదు విధించింది న్యాయస్థానం. డీఎన్‌ఏ పరీక్షల ఆధారంగా వీరేంద్ర ఆదివాసీ అనే 24 ఏళ్ల యువకుడిని దోషిగా తేల్చింది కోర్టు.
అప్పట్లో సంచలనం..
సాగర్ జిల్లాకు చెందిన 80ఏళ్ల వృద్ధురాలు 2019 జనవరి 11న తన గుడిసెలో శవమై కనిపించిన ఘటన అప్పట్లో సంచలనంగా మారింది. బాధితురాలిపై అత్యాచారం చేసి, గొంతు నులిమి చంపినట్లు గుర్తించిన పోలీసులు దర్యాప్తులో నిందితునికి వ్యతిరేకంగా.. పలు ఆధారాలు సేకరించారు.
ఈ కేసులో తీర్పు వెలువరించిన అదనపు సెషన్స్ జడ్జి దీపాలీ శర్మ.. దారుణ నేరాలకు పాల్పడిన నిందితునికి జీవిత ఖైదు సరైన శిక్ష అని వ్యాఖ్యానించారు. రూ.11,000 జరిమానా సైతం విధించారు.
13ఏళ్ల బాలికపై అత్యాచారం, హత్య కేసులోనూ దోషిగా తేలిన వీరేంద్ర ఆదివాసీకి మూడు నెలల క్రితమే మరణశిక్ష విధించింది కోర్టు.
ఇవీ చదవండి:
