పెళ్లికోసం ప్రధాని నరేంద్ర మోదీ సంతకాన్ని ఫోర్జరీ చేసినందుకు మహారాష్ట్రకు చెందిన అమిత్ కపూర్ను పోలీసులు అరెస్టు చేశారు. రాజస్థాన్ అల్వార్కు చెందిన ఓ అమ్మాయితో 2018లోనే ఇతగాడికి పరిచయమైంది. ప్రధాని కార్యాలయం(పీఎంఓ)లో పనిచేస్తానంటూ నమ్మించి ఆమె కుటుంబ సభ్యులకు దగ్గరయ్యాడు. ప్రధాని మోదీ సంతకం ఉన్న ఓ అపాయింట్మెంట్ పత్రాన్ని కూడా చూపాడు. ఇదంతా నిజమని నమ్మిన కుటుంబ సభ్యులు వారమ్మాయిని ఇతనికిచ్చి వివాహం చేశారు. కానీ అతడో మోసగాడనే అసలు విషయం తర్వాత తెలుసుకున్నారు.
తమను అమిత్ కుమార్ మోసం చేశాడని కోత్వాలీ పోలీస్ స్టేషన్లో అమ్మాయి కుటుంబ సభ్యులు పిర్యాదు చేశారు. ప్రధాని సంతకాన్ని నిందితుడు ఫోర్జరీ చేసినట్లు వివరిస్తూ పీఎంఓకు లేఖ రాశారు. దీంతో ఈ విషయంపై రాజస్థాన్ డీజీపీకి పీఎంవో మే 8న లేఖ రాసింది. పూర్తిస్థాయి దర్యాప్తు జరపాలని సీబీఐని కోరింది.
పరారీలో ఉన్న నిందితుడ్ని పక్కా సమాచారంతో రాజస్థాన్ అల్వార్లో సోమవారం అరెస్టు చేశారు పోలీసులు. అనంతరం కోర్టులో హాజరుపరిచారు.
ఇదీ చదవండి:'సమష్టి కృషితోనే సమ్మిళిత అభివృద్ధి'
