జన్యుపరమైన లోపంతో బాధపడుతున్న మహారాష్ట్రకు చెందిన ఓ బాలుడికి సాయం చేసేందుకు అమెరికా సంస్థ ముందుకొచ్చింది. కోట్ల రూపాయలు విలువ చేసే టీకా ఉచితంగా అందించింది.
ఇదీ జరిగింది..
మహారాష్ట్ర నాసిక్కు చెందిన శివ్రాజ్ దవారే అనే బాలుడికి జన్యుపరమైన లోపం ఉంది. స్పైనల్ మస్కులర్ అట్రోపి(ఎస్ఎమ్ఏ)తో బాధపడుతున్న ఈ బాలుడికి సాయం చేసేందుకు ఓ అమెరికా సంస్థ ముందుకొచ్చింది.
శివ్రాజ్ తండ్రి విశాల్ దవారే ఓ జిరాక్స్ సెంటర్ నడిపిస్తుంటారు. అయితే.. తమ పుత్రుడిలో ఈ జన్యుపరమైన లోపం ఉందని తెలియగానే వారు తీవ్రంగా బాధపడ్డారు. ఈ వ్యాధిని నయం చేయాలంటే.. జోల్జెన్స్మా(జీన్ రిప్లేస్మెంట్ థెరపీ) అనే ఇంజిక్షన్ ఇవ్వాలని, దాని విలువ కోట్ల రూపాయలు ఉంటుందని ముంబయి హిందూజా ఆసుపత్రికి చెందిన న్యూరాలజిస్ట్ డాక్టర్ బ్రజేశ్ ఉదాని తెలిపారు.
శివ్రాజ్ తల్లిదండ్రులు ఇంత మొత్తం చెల్లించలేని పరిస్థితిలో ఉన్నారు. దీంతో వారికి ఓ సూచన చేశారు డాక్టర్ బ్రజేశ్. అమెరికా సంస్థ క్లినికల్ ట్రయల్స్ జరిపేలా లాటరీకి నమోదు చేసుకోవాలని చెప్పారు. ఈ నేపథ్యంలో 2020 డిసెంబర్ 25న లాటరీకి దరఖాస్తు చేశారు శివ్రాజ్ తల్లిదండ్రులు. 2021 జనవరి 19న హిందూజా ఆసుపత్రిలో శివ్రాజ్కు రూ. 16కోట్ల విలుల చేసే ఇంజక్షన్ ఇచ్చేందుకు అమెరికా సంస్థ అంగీకరించింది.
ఇటీవలే ఎస్ఎమ్ఏ టైప్ 1 వ్యాధితో బాధపడుతున్న వేదిక శిండే(1) కోసం కూడా లాటరీ అప్లై చేశారు ఆ చిన్నారి తల్లిదండ్రులు. కానీ, ఇంజిక్షన్ తీసుకున్న రెండు నెలల తర్వాత ఆ చిన్నారి మరణించింది.
ఇదీ చదవండి:ప్రేమికులుగా దూరమైనా.. మరణంలో ఒక్కటై!
