జవాన్​కు గౌరవం- కాలు కింద పెట్టనీయకుండా గుడికి

దేశసేవ కోసం సుదీర్ఘకాలం సరిహద్దులో పనిచేసి.. ఇటీవలే పదవీ విరమణ పొందిన మధ్యప్రదేశ్​ సైనికుడికి ఘన స్వాగతం పలికారు స్థానికులు. తమ చేతులపై నడిపిస్తూ ఆలయంలోకి తీసుకెళ్లారు.

మధ్యప్రదేశ్​కు చెందిన నాయక్​ విజయ్​ బహదూర్​ సింగ్..​ 17 ఏళ్ల పాటు సైనికుడిగా సేవలందించి పదవీ విరమణ పొందారు. ఇటీవలే.. నీముచ్​(స్వస్థలం)కు తిరిగొచ్చిన నాయక్​కు ఘన స్వాగతం పలికారు అక్కడి ప్రజలు. డోలు, సన్నాయిలతో ఊరేగింపు నిర్వహించి గుడికి తీసుకెళ్లారు. ఆ జవాన్​ను కాలు కింద పెట్టనీయకుండా తమ చేతులపై నడిపించి.. ఆలయ దర్శనం చేయించారు. ఈ సందర్భంగా హర్షం వ్యక్తం చేశారు నాయక్​.

"నేను 17 ఏళ్ల పాటు సైన్యంలో పనిచేశాను. ఈ రోజు.. ఊరి ప్రజలు నాకిచ్చిన ఈ గౌరవాన్ని సాదరంగా ఆహ్వానిస్తూ గర్వపడుతున్నాను."

- నాయక్​ విజయ్​ బహదూర్​ సింగ్​

ఇదీ చదవండి: పురిటి నొప్పులతోనే నదిని దాటి​ ప్రసవం!