Tiger Terror: లాక్డౌన్ అనే పదం మనకు ఎలా తెలిసింది. కరోనా వెలుగులోకి వచ్చిన సమయంలో.. కట్టడికి ప్రపంచవ్యాప్తంగా పలు దేశాలు లాక్డౌన్లు విధించాయి. బహుశా చాలా మందికి అప్పుడే తెలిసి ఉంటుంది లాక్డౌన్ అంటే. భారత్ కూడా ఇదే బాటలో నడిచింది. దేశవ్యాప్తంగా చాలా వరకు కార్యకలాపాలు నిలిచాయి. విద్యాసంస్థలు బంద్ అయ్యాయి.
Tiger Terror Buldana: ఇప్పుడు.. మహారాష్ట్ర బుల్డాణా జిల్లా ఖామ్గావ్లో కూడా కొన్ని పాఠశాలలు, కళాశాలలు మూసివేశారు. కానీ కరోనా వల్ల కాదు. ఓ పులికి భయపడి.. అవును నిజం.
తొలుత కేశవ్ నగర్ ప్రాంతంలో పులి సంచరిస్తున్నట్లు డిసెంబర్ 4న తెలిసింది. మరో రెండు రోజులకు ఖమ్గావ్లో ఆవు దూడ చనిపోయి కనిపించింది. తొలుత ఆవును చంపింది కుక్క అనిపించినా.. అది పులి అని తర్వాత తెలుసుకున్నారు. పులిని పట్టుకునేందుకు బుల్డాణా, యావత్మాల్, అకోలా ప్రాంతాల్లో.. అటవీ అధికారులు తీవ్రంగా శ్రమిస్తున్నారు.
Lockdown of Two Schools: ఈ నేపథ్యంలోనే.. అక్కడ చదువుకునే ప్రజలు, విద్యార్థుల భద్రతను దృష్టిలో పెట్టుకొని విద్యాసంస్థలు బంద్ చేశారు. శ్రీ అర్జన్ ఖిమ్జీ నేషనల్ హైస్కూల్ అండ్ జూనియర్ కాలేజి, శ్రీమతి సురజ్దేవీ మహిళా మహావిద్యాలయ్ అండ్ లయన్స్ జ్ఞాన్పీఠ్ పాఠశాలలు మూసివేశారు. పులిని పట్టుకున్న తర్వాతే వాటిని తిరిగి తెరవనున్నట్లు వెల్లడించారు.
ప్రజలను కూడా అత్యవసరమైతే తప్ప బయటకు వెళ్లనీయడం లేదు.
ఇదీ చూడండి: వారికోసం పల్లకిలో అంబులెన్సు సేవలు .. ఐడియా అదుర్స్!
