సింహాన్ని కాటేసిన విషసర్పం.. వైద్యులు ఎంత ప్రయత్నించినా దక్కని గంగ!

Lioness Dies Snake Bite: విషసర్పం కాటుకు ఓ ఆడసింహం ప్రాణాలు కోల్పోయింది. బతికించేందుకు వైద్యులు తీవ్రంగా శ్రమించినా.. ప్రాణాలు దక్కలేదు. ఒడిశాలోని నందన్​కనన్​ జూ పార్క్​లో ఈ ఘటన జరిగింది.

Lioness Dies Snake Bite: ఓ విషపూరిత పాము కాటుకు ఆడ సింహం బలైంది. ఒడిశా భువనేశ్వర్​లోని నందన్​కనన్​ జూ పార్క్​లో శనివారం ఈ ఘటన జరిగింది. ఓ ఎన్​క్లోజర్​లో ఉన్న ఆడసింహం గంగను.. శుక్రవారం కోబ్రా జాతికి చెందిన ఓ విషసర్పం కాటేసినట్లు అధికారులు తెలిపారు. సింహానికి సమీపంలోని ఓ వాటర్​ ట్యాంక్​ వద్ద విషపూరిత పాము ముడుచుకొని ఉందని, అదే కాటేసి ఉంటుందని భావిస్తున్నారు.

సింహం బోనుకు సమీపంలో విషసర్పం

సింహాన్ని కాటేసిన పాము

చికిత్స చేస్తుండగా ఆడసింహం చనిపోయిందని జూ సిబ్బంది వెల్లడించారు. వైద్యులు తీవ్రంగా శ్రమించినా ప్రాణాలు దక్కలేదని పేర్కొన్నారు. సింహం మరణానికి అసలు కారణం పోస్టుమార్టం తర్వాతే తెలుస్తుందని స్పష్టం చేశారు.

సింహానికి ఇంజెక్షన్​ ఇస్తున్న వైద్యులు

సింహంకు చికిత్స అందిస్తున్న వైద్యులు

ఇవీ చూడండి: పెళ్లి వీడియో వైరల్ చేసిన యువతి.. రక్షణ కల్పించాలని పోలీసులకు వినతి