మధ్యప్రదేశ్లో అధికార భాజపా- విపక్ష కాంగ్రెస్ మధ్య మరోమారు మాటల యుద్ధం నెలకొంది. 28 అసెంబ్లీ ఎన్నికలకు జరిగిన ఉపఎన్నికల ఫలితాలు.. ఈ నెల 10న వెలువడనున్న తరుణంలో ఇరు పార్టీల నేతలు ఒకరిపై మరొకరు తీవ్రస్థాయిలో ఆరోపణలు చేసుకున్నారు.
తమ పార్టీ ఎమ్మెల్యేలకు మధ్యప్రదేశ్ కాంగ్రెస్ చీఫ్ కమల్నాథ్ నుంచి ఫోన్లు వస్తున్నాయని.. వారితో బేరసారాలు ఆడేందుకు ప్రయత్నిస్తున్నారని ముఖ్యమంత్రి శివరాజ్ సింగ్ చౌహాన్ మండిపడ్డారు.
"భాజపా ఎమ్మెల్యేలను కాంగ్రెస్- కమల్నాథ్ సంప్రదిస్తున్నారు. వారికి ఎరవేసేందుకు ప్రయత్నిస్తున్నారు. బేరసారాలు ఆడుతున్నారు. వాటితో ఎలాంటి లాభం లేదు. మధ్యప్రదేశ్ రాజకీయాలను కమల్నాథ్ భ్రష్టు పట్టించారు."
-- శివరాజ్ సింగ్ చౌహాన్, మధ్యప్రదేశ్ సీఎం.
కాంగ్రెస్ నుంచి కొంతమంది ఎమ్మెల్యేలను తనవైపు తిప్పుకొనేందుకు భాజపా ప్రయత్నిస్తోందన్న కమల్నాథ్ ఆరోపణల నేపథ్యంలో చౌహాన్ ఈ వ్యాఖ్యలు చేశారు.
ఈ ఏడాది తొలినాళ్లలో కాంగ్రెస్ ప్రభుత్వాన్ని కుప్పకూల్చి, 25మంది ఎమ్మెల్యేలు భాజపా తీర్థం పుచుకున్నారు. ఫలితంగా ఖాళీ ఏర్పడ్డ 25స్థానాలతో పాటు మరో మూడు సీట్లకు ఈ నెల 3న ఉపఎన్నికలు జరిగాయి.
ఇదీ చూడండి:- కమల్నాథ్ అనుచిత వ్యాఖ్యలపై దుమారం
