కరోనా కారణంగా జేఈఈ 2020 పరీక్షలు రాయలేకపోయి.. మరో ఆవకాశం కోరుతూ దాఖలైన పిటిషన్పై విచారణను సుప్రీం కోర్టు వాయిదా వేసింది. గతంలో విచారణ ఎదుర్కొంటున్న యూపీఎస్పీ కేసు కూడా ఇలాంటిదే అని గుర్తు చేసింది. యూపీఎస్సీ కేసులో విచారణ రిజర్వ్లో ఉన్నందున... ఈ కేసుపై విచారణను కూడా వాయిదా వేస్తున్నట్లు పేర్కొంది.
జేఈఈ అడ్వాన్స్ 2020 కోల్పోయిన అభ్యర్థులకు మరో అవకాశం ఇవ్వాలన్న పిటిషన్ పై సుప్రీంకోర్టు విచారణ చేపట్టింది. కరోనా కారణంగా పలువులు అభ్యర్థులు ఇబ్బందులు ఎదుర్కొన్నందున ఇంకో అవకాశం ఇవ్వాలని ఆశావహులు పిటిషన్లో పేర్కొన్నారు.
ఈ పిటిషన్ పై విచారణ చేపట్టిన జస్టిస్ ఏఎం ఖన్ విల్కర్ ధర్మాసనం.. గతంలో యూపీఎస్సీ కేసును కూడా ఇదే తరహాలోనే విచారణ చేపట్టిందని తెలిపింది. యూపీఎస్సీ కేసు తీర్పు తర్వాత జేఈఈ కేసుపై వాదనలు వింటామని స్పష్టం చేసింది.
