ప్రముఖ మతబోధకుడి ఇంట్లో ఐటీ సోదాలు

తమిళనాడులోని క్రైస్తవ మతబోధకుడు పాల్ దినకరన్ నివాసంలో ఆదాయ పన్ను శాఖ సోదాలు నిర్వహించింది. పన్ను ఎగవేత, విదేశాల్లో పెట్టుబడులు.. తదితర అంశాల్లో భాగంగా దినకరన్‌కు చెందిన 28 చోట్ల ఐటీ సోదాలు కొనసాగుతున్నాయి.

పన్ను ఎగవేత కేసులో తమిళనాడుకు చెందిన క్రైస్తవ మతబోధకుడు పాల్ దినకరన్ నివాసంలో ఐటీ అధికారులు సోదాలు జరిపారు. దినకరన్​కు చెందిన కార్యాలయాలతో పాటు 28 చోట్ల తనిఖీలు నిర్వహిస్తున్నారు. ఈ సోదాల్లో దాదాపు 200 మంది ఐటీ అధికారులు పాల్గొన్నారు.

చెన్నై అడయార్‌లోని ప్రధాన కార్యాలయం, కారుణ్య ఇన్‌స్టిట్యూట్ ఆఫ్ టెక్నాలజీ అండ్ సైన్సెస్‌, జీసస్ కాల్స్ మినిస్ట్రీ కార్యాలయంలోనూ ఐటీ అధికారులు విస్తృతంగా సోదాలు నిర్వహిస్తున్నారు.

ఇదీ చదవండి : విమానాశ్రయ​ శౌచాలయంలో నోట్ల కట్టలు!