ప్రముఖ మీడియా సంస్థ 'దైనిక్ భాస్కర్' కార్యాలయాల్లో ఆదాయ పన్ను శాఖ సోదాలు నిర్వహించింది. పన్ను ఎగవేత ఆరోపణల నేపథ్యంలో జైపుర్, భోపాల్, అహ్మదాబాద్‌లోని కార్యాలయాల్లో ఐటీ అధికారులు ఏకకాలంలో దాడులు నిర్వహించారు. ఆ సంస్థ ప్రమోటర్ల ఇళ్లలోనూ సోదాలు నిర్వహిస్తున్నట్లు అధికారిక సమాచారం.
హిందీ మాధ్యమంలో వార్తలు ప్రసారం చేస్తున్న దైనిక్ భాస్కర్ ఇటీవల కరోనా రెండో వేవ్‌పై విమర్శనాత్మక కథనాలు ప్రచురించింది. ఈనేపథ్యంలో దైనిక్ భాస్కర్ కార్యాలయాలపై ఐటీ శాఖ దాడులు జరపడం ప్రాధాన్యం సంతరించుకుంది.
మరోవైపు... ఉత్తర్ప్రదేశ్ లఖ్నవూ కేంద్రంగా పనిచేసే హిందీ టీవీ ఛానల్ భారత్ సమాచార్ మీడియా కార్యాలయాల్లోనూ ఐటీ అధికారులు సోదాలు నిర్వహించారు. ఆ సంస్థ ఎడిటర్-ఇన్-చీఫ్, ప్రమోటర్స్ ఇళ్లలోనూ తనిఖీలు నిర్వహించారు.
పార్లమెంటులో దుమారం
మీడియా సంస్థలపై ఐటీ దాడుల వ్యవహారం రాజ్యసభలో గందరగోళానికి దారితీసింది. పెగాసస్ నిఘా వ్యవహారం సహా ఐటీ దాడులను తప్పుబడుతూ విపక్షాలు ఆందోళనకు దిగాయి. ఫలితంగా ఎగువసభ రెండుసార్లు వాయిదా పడింది.
ఇదీ చూడండి: 'పెగాసస్పై సిట్తో దర్యాప్తు చేయించాలి'
