గ్రామస్థుల నిందలు తట్టుకోలేక వృద్ధ దంపతులు పెళ్లి చేసుకున్న విచిత్ర సంఘటన ఉత్తర్ప్రదేశ్లో జరిగింది. 20 ఏళ్లుగా సహజీవనం చేస్తున్న ఆ జంట ఈ మధ్యనే వివాహం బంధంలోకి అడుగుపెట్టింది. అయితే అది గ్రామ పెద్ద ప్రోద్బలంతోనే.
ఇదీ సంగతీ..
ఉన్నావ్ జిల్లా మొరాదాబాద్లో 60 ఏళ్ల నారాయణ్ రాయ్దాస్, 55 ఏళ్ల రామ్రతీ 2001 నుంచి కలిసి ఉంటున్నారు. వ్యవసాయం చేస్తూ జీవనం సాగిస్తున్నారు. ఈ క్రమంలో వారి 13 ఏళ్ల అబ్బాయి అజయ్కు అవమానం, అపనిందలు రాకూడదంటే వారిద్దరూ పెళ్లి చేసుకోవాల్సిందేనని గ్రామపెద్ద రమేశ్తో పాటు సామాజిక కార్యకర్తలు ఒప్పించారు . కల్యాణానికి ఖర్చులన్నీ తామే భరిస్తామని హామీ ఇచ్చారు.
దీంతో వారు పెళ్లికి ఒప్పుకున్నారు. డీజే పాటల ధూంధాం మధ్యలో వారి వివాహం ఘనంగా జరిగింది.
ఇదీ చూడండి: 'అక్రమ తల్లిదండ్రులు ఉంటారేమో.. అక్రమ సంతానం ఉండరు'
