మహారాష్ట్ర ఠాణెలో అత్యంత దారుణ ఘటన వెలుగులోకి వచ్చింది. దోంబివల్లిలోని భోపర్ ప్రాంతంలో 15 ఏళ్ల బాలికపై 33 మంది అత్యాచారానికి పాల్పడ్డారు. ఈ ఘటనపై కేసు నమోదు చేసుకున్న పోలీసులు 23 మందిని అరెస్ట్ చేశారు. వీరిలో ఇద్దరు మైనర్లు ఉన్నారు. మరో 10మంది పరారీలో ఉన్నారు.
ఇదీ జరిగింది...
15 ఏళ్ల మైనర్.. మంపాడ పోలీస్ స్టేషన్ పరిధిలో నివాసముంటోంది. ఆమెకు ఓ యువకుడితో సంబంధం ఉంది. ఓ సందర్భంలో మైనర్ను ఆ యువకుడు అసభ్యకరంగా వీడియోలు తీశాడు. ఈ ఘటన జనవరి 22న జరిగింది. అనంతరం బ్లాక్మెయిల్కు పాల్పడ్డాడు. వీడియోలను అడ్డుపెట్టుకుని అప్పటి నుంచి 33 మంది.. దోబివల్లి, బద్లాపుర్, ముర్బాద్, రాబెల్ ప్రాంతాల్లో చిత్రహింసలు పెట్టి తొమ్మిది నెలల పాటు అత్యాచారానికి ఒడిగట్టారు.
మంపాడ పోలీస్ స్టేషన్లో కేసు నమోదైంది. పరారీలో ఉన్న వారిని పట్టుకునేందుకు ప్రత్యేక బృందాలను ఏర్పాటు చేశారు అధికారులు. నిందితులను కఠినంగా శిక్షించాలని సర్వత్రా డిమాండ్లు పెరుగుతున్నాయి.
పెరిగిపోతున్న అత్యాచారాలు...
వీధుల్లో యాచించుకుని బతికే బాలికపై అఘాయిత్యానికి ఒడిగట్టాడు ఓ కిరాతుకుడు. ఈ ఘటన కర్ణాటక ధార్వాడ్లో జరిగింది. కాగా.. ఛత్తీస్గఢ్లో ఓ బాలికపై సామూహిక అత్యాచారానికి పాల్పడ్డారు ఐదుగురు కామాంధులు.
ఇటీవలి కాలంలో దేశవ్యాప్తంగా అత్యాచార ఘటనలు పెరిగిపోతున్నాయి. ముఖ్యంగా బాలికలపై అఘాయిత్యాలు నిత్యం వార్తల్లో నిలుస్తున్నాయి. ఉత్తర్ప్రదేశ్లో ఓ బాలికను తుపాకీతో బెదిరించి అపహరించి.. ముగ్గురు కిరాతుకులు సామూహిక అత్యాచారం చేశారు. మహారాష్ట్రలో మరో బాలికపై కొందరు దుండగులు సామూహికంగా లైంగికదాడి చేశారు. కాగా ఝార్ఖండ్లో 10 ఏళ్ల బాలికపై మారుతండ్రే(స్టెప్ఫాదర్) అఘాయిత్యానికి ఒడిగట్టాడు.
మరో ఘటనలో అర్ధరాత్రి క్యాబ్ ఎక్కిన ఓ మహిళకు చేదు అనుభవం ఎదురైంది. తనపై ఉబర్ క్యాబ్ డ్రైవర్ అత్యాచారానికి పాల్పడ్డాడని ఆరోపించింది. దీనిపై విచారణ చేపట్టిన పోలీసులు ఆంధ్రప్రదేశ్కు చెందిన నిందితుడిని అదుపులోకి తీసుకున్నారు.
కదులుతున్న బస్సులో ఓ యువతిపై అత్యాచారానికి పాల్పడిన ఘటన ఉత్తర్ప్రదేశ్లో(Uttar Pradesh Rape) ఈ నెల 21న జరిగింది. బస్సు కండక్టర్, అతని సహాయకుడే ఈ దారుణానికి ఒడిగట్టారని బాలిక తల్లి వాపోయింది. మరోవైపు ఏడేళ్ల బాలికపై అత్యాచారానికి పాల్పడి, హత్య చేసిన ఘటన రాజస్థాన్లో వెలుగుచూసింది.
ఇవీ చూడండి:-
