లాక్డౌన్ నేపథ్యంలో ఇంట్లోనే మద్యం తయారు చేస్తోన్న తండ్రీకొడుకులను అరెస్టు చేశారు తమిళనాడు పోలీసులు. యూట్యూబ్ వీడియో చూసి వారు ఆల్కహాల్ తయారు చేస్తున్నట్లు అధికారులు తెలిపారు.
కరూర్ జిల్లా కుప్పుచ్చిపాలయంకు చెందిన గుణశేఖరన్.. ఆయన కుమారుడు జగదీశ్తో కలిసి ఇంట్లో మద్యం తయారు చేస్తూ పట్టుబడ్డాడు. స్వీయ వినియోగం కోసం తయారీ ప్రారంభించినప్పటికీ, మిగిలిన మద్యాన్ని ఇతరులకు విక్రయిస్తున్నారు. వారి నుంచి 8 లిక్కర్ బాటిళ్లు, తయారీకి వినియోగించే ఇతర వస్తువులను స్వాధీనం చేసుకున్నారు.
మే 10న రాష్ట్రంలో లాక్డౌన్ విధించినప్పటి నుంచి ఇంటి వద్ద మద్యం తయారు చేసి, అక్రమంగా వినియోగించే వారి సంఖ్య పెరిగిపోతోందని పోలీసులు తెలిపారు.
ఇదీ చూడండి: కల్తీ మద్యం: 55కు చేరిన మృతుల సంఖ్య!
