ట్రాక్టర్ వ్యర్థాలను కమిషనర్ ఇంటి ముందు వేసిన ఎమ్మెల్యే
కర్ణాటకలోని బెళగావిలో ఎక్కడచూసిన చెత్తే ఉందంటూ ఆగ్రహం వ్యక్తంచేశారు ఎమ్మెల్యే అభయ్ పాటిల్. అంతటితో ఆగకుండా నగర కార్పొరేషన్ కమిషనర్ జగదీశ్ ఇంటి వద్ద ఆదివారం స్వయంగా.. వ్యర్థాలు కూడిన ఓ ట్రాక్టర్ను విడిచిపెట్టారు. అధికారులు నగరాన్ని పరిశుభ్రంగా ఉంచడంలో విఫలమవుతున్నారంటూ ఆయన ఆక్షేపించారు.
"నగరంలో పరిశుభ్రత పాటించాలని 3 నెలల కిందే హెచ్చరించాం. అయినా ఎలాంటి మార్పు లేదు. ఏ మూల చూసినా చెత్తే ఉంది. సాధారణ ప్రజలంటే అధికారులకు లోకువ అయిపోయింది. ఇక నుంచైనా పరిశుభ్రత పాటించకపోతే ప్రతి ఆదివారం వాళ్ల ఇళ్ల ముందు ఓ ట్రాక్టర్ చెత్త పారేయాల్సి ఉంటుంది."
- అభయ్ పాటిల్, శాసనసభ్యుడు
అయితే అనంతరం కమిషనర్ ఇంటి వద్ద ఉన్న చెత్తను మున్సిపాలిటీ సిబ్బంది తొలగించారు.
ఇదీ చూడండి: పేరుకు ప్రైవేటు స్కూల్.. ఫీజు మాత్రం ఏడాదికి రూ.500!
