ఝార్ఖండ్లో అత్యంత దారుణ ఘటన వెలుగులోకి వచ్చింది. పాలము జిల్లాలోని లాలీమాటి అటవీ ప్రాంతంలో బుధవారం ఓ బాలిక మృతదేహం చెట్టుకు వేలాడుతూ కనిపించింది. ఆమెను అతికిరాతకంగా చంపిన దుండగులు.. కళ్లను పొడిచారు. చెట్టుకు వేలాడుతూ కనిపించిన మృతదేహాన్ని చూసిన స్థానికులు తీవ్ర భయాందోళనకు గురయ్యారు.
ఈ ఘటన గురించి తెలుసుకున్న పోలీసులు దర్యాప్తు ముమ్మరం చేశారు. పంచనామా అనంతరం మృతదేహాన్ని పోస్టుమార్టం కోసం తరలించారు. కాగా ఆ బాలిక ఓ భాజపా నేత కుమార్తె అని తెలుస్తోంది. బాలిక సోమవారం నుంచి కనిపించకుండా పోగా, దానిపై పోలీసులకు మంగళవారం ఫిర్యాదు చేశారు బంధువులు.
ఇదీ చూడండి: అనుమానంతో చెట్టుకు వేలాడదీసి చితకబాదారు
