'టీఎంసీ గెలిస్తే బంగాల్​.. కశ్మీర్​లా తయారవుతుంది'

మమత సర్కారు మరోసారి అధికారంలోకి వస్తే బంగాల్​.. కశ్మీర్​లా తయారవుతుందని అన్నారు భాజపా నేత సువేందు అధికారి. ఎన్నికల నేపథ్యంలో దీదీ సర్కారుపై మండిపడ్డారు.

రానున్న ఎన్నికల్లో.. తృణమూల్ కాంగ్రెస్ గెలిస్తే బంగాల్​ మరో కశ్మీర్​లా తయారవుతుందని భాజపా నేత సువేందు అధికారి ఆరోపించారు. ఎన్నికల నేపథ్యంలో బెహాలాలో నిర్వహించిన పార్టీ కార్యక్రమానికి హాజరైన ఆయన ముఖ్యమంత్రి మమతా బెనర్జీ సర్కారుపై తీవ్ర విమర్శలు చేశారు.

"శ్యామా ప్రకాశ్ ముఖర్జీ లేకపోయుంటే భారత్​ ఇస్లామిక్​ దేశంలా మారిపోయేది. మనం బంగ్లాదేశ్​లో నివసిస్తుండేవాళ్లం. తృణమూల్ కాంగ్రెస్ తిరిగి అధికారంలోకి వస్తే బంగాల్​ మరో కశ్మీర్​లా తయారవుతుంది."

-సువేందు అధికారి, భాజపా నేత.

నందిగ్రామ్​లో మమతకు పోటీగా బరిలోకి దిగుతానని సువేందు అధికారి ఇప్పటికే ప్రకటించారు. దీదీపై 50,000 ఓట్ల మెజారిటీతో గెలుస్తానని సవాల్ విసిరారు.

బంగాల్​లో ఎనిమిది దశల్లో ఎన్నికలు జరగనున్నాయి. మార్చి 27న తొలి దశ పోలింగ్ నిర్వహించనున్నారు. మే 2న ఫలితాలు వెలువడనున్నాయి.

ఇదీ చదవండి:దీదీపై 50వేల ఓట్ల తేడాతో గెలుస్తా: సువేందు