భారత్లో కరోనా విజృంభణ నేపథ్యంలో 10, 12 తరగతుల పరీక్షలను వాయిదా వేస్తున్నట్లు ఐసీఎస్ఈ వెల్లడించింది. కొవిడ్ మహమ్మారి వ్యాప్తితో ఎలాంటి ఇబ్బందులు తలెత్తకూడదనే ఈ నిర్ణయం తీసుకున్నట్లు ఐసీఎస్ఈ ముఖ్య కార్యనిర్వాహణ అధికారి జెర్రీ ఆరథూన్ తెలిపారు.
" దేశంలో కరోనా పరిస్థితిని పరిశీలించి పరీక్షల నిర్వాహణపై జూన్లో సమీక్ష నిర్వహిస్తాం. 12వ తరగతి పరీక్షలు తర్వాత నిర్వహిస్తాం. అయితే 10 వ తరగతి విద్యార్థులకు పరీక్షలు నిర్వహించటం లేదా పరీక్షలు లేకుండా గ్రేడ్స్ ఇస్తాం."
-- జెర్రీ ఆరథూన్, ఐసీఎస్ఈ ముఖ్య కార్యనిర్వాహణ అధికారి
అంతకుముందు కరోనా వ్యాప్తి దృష్ట్యా సీబీఎస్ఈ బోర్డు.. 10 వ తరగతి పరీక్షలను రద్దు చేసింది. 12వ తరగతి పరీక్షలను వాయిదా వేసింది.
ఇదీ చదవండి : కేంద్ర మంత్రి ప్రకాశ్ జావడేకర్కు కొవిడ్ పాజిటివ్
