దివంగత మాజీ ముఖ్యమంత్రి కరుణానిధి వారసుడిగా రాజకీయాల్లో ఇంతకాలం చెరగని ముద్ర వేసుకున్న స్టాలిన్.. ఇక సీఎం పీఠాన్ని అధిరోహించి తండ్రి అడుగుజాడల్లో రాష్ట్రాన్ని పరిపాలించేందుకు సిద్ధమవుతున్నారు.
'పేరు'లోనే మ్యాజిక్...
కరుణానిధి- దయాలు అమ్మల్ రెండో కుమారుడు స్టాలిన్. స్టాలిన్ పుట్టిన నాలుగో రోజే ప్రపంచ ప్రఖ్యాత సోవియెట్ నేత జోసెఫ్ స్టాలిన్ కన్నమూశారు. ఆయనకు గుర్తుగా.. కుమారుడికి స్టాలిన్ అని నామకరణం చేశారు కరుణానిధి.
రాజకీయాల్లో స్టాలిన్...
తండ్రికి తగ్గ తనయుడిగా.. యుక్త వయసు నుంచే రాజకీయాల్లో చురుకుగా ఉండటం మొదలు పెట్టారు స్టాలిన్. ఓ టీ స్టాల్లో.. డీఎంకే తరఫున గోపాలపురం యువజన విభాగాన్ని ఏర్పాటు చేసి అందరినీ ఆశ్చర్యపరిచారు. 14ఏళ్లకే కుటుంబసభ్యుల తరఫున ఎన్నికల ప్రచారాలు నిర్వహించారు.
ఇలా అంచెలంచెలుగా ఎదుగుతున్న స్టాలిన్ను 2013 జనవరి 3న తన రాజకీయ వారసుడిగా ప్రకటించారు కరుణానిధి. దివంగత నేత మరణాంతరం డీఎంకే అధ్యక్షుడిగా బాధ్యతలు చేపట్టారు స్టాలిన్.
అప్పుడే మార్క్...!
రాష్ట్ర రాజకీయాల్లో.. స్టాలిన్ తన మార్క్ను 2019లోనే వేశారు. అప్పుడు జరిగిన సార్వత్రిక ఎన్నికల్లో 40 పార్లమెంట్ సీట్లకు గానూ 39 స్థానాల్లో విజయఢంకా మోగించింది డీఎంకే కూటమి. ఆ తర్వత జరిగిన ఉపఎన్నికల్లో 52శాతం ఓట్లతో దూసుకుపోయింది స్టాలిన్ నేతృత్వంలోని విపక్ష కూటమి. ఇక అసెంబ్లీ సమరంలోనూ ప్రజలు స్టాలిన్కే పట్టం గట్టి.. ముఖ్యమంత్రిని చేశారు.
ఇదీ చూడండి: 'అధికారంలోకి వస్తే సీఏఏ అమలును అడ్డుకుంటాం'
ఇదీ చూడండి: 'తమిళవాదం'పై డీఎంకే, అన్నాడీఎంకే ఏకస్వరం
