Horoscope Today(30-01-2022): ఈ రోజు రాశిఫలాల గురించి డాక్టర్‌ శంకరమంచి శివసాయి శ్రీనివాస్ ఏమన్నారంటే..
మేషం...
చేపట్టే పనుల్లో పట్టుదల వీడకండి. లక్ష్యాలకు కట్టుబడి పనిచేస్తారు. ధర్మ సందేహాలతో కాలాన్ని వృథా చేయకండి. కుటుంబసభ్యులతో ఆచితూచి వ్యవహరించాలి. మనో విచారం కలగకుండా చూసుకోవాలి. ప్రయాణంలో ఆటంకాలు కలుగుతాయి. శివారాధన శుభప్రదం.
వృషభం...
ఉద్యోగంలో పై అధికారులతో నమ్రతగా వ్యవహరించాలి. గిట్టనివారు మీ ఉత్సాహంపై నీళ్లు చల్లుతారు. మనోవిచారం కలిగించే సంఘటనలకు దూరంగా ఉండాలి. దైవధ్యానంతో ఆపదల నుంచి బయటపడతారు.
మిథునం..
చేపట్టే పనులకు ఆటంకాలు ఎదురవకుండా చూసుకోవాలి. మీ అభివృద్ధికి దోహదపడే ఒక కీలక నిర్ణయాన్ని తీసుకుంటారు. అకారణ కలహ సూచన. కుటుంబంలో చిన్నపాటి సమస్యలు వస్తాయి. హనుమాన్ చాలీసా చదవడం మంచిది.
కర్కాటకం...
తలపెట్టిన కార్యాల్లో విజయసిద్ధి ఉంది. ఒక శుభవార్త ఉత్సాహాన్నిస్తుంది. విందువినోదా కార్యక్రమాల్లో పాల్గొంటారు. తోటివారి సహాయ సహకారాలున్నాయి. దైవబలం రక్షిస్తోంది. శ్రీ వేంకటేశ్వర సందర్శనం శుభప్రదం.
సింహం..
మీ కీర్తి ప్రతిష్టలు పెరుగుతాయి. బుద్దిబలం బాగుంటుంది. బంధు,మిత్రులతో కలిసి కొన్ని ముఖ్యమైన నిర్ణయాలు తీసుకుని భవిష్యత్తు ప్రణాళికలు వేస్తారు. శత్రువులు మీ మీద విజయం సాధించలేరు. దుర్గాస్తుతి చదవాలి.
కన్య..
సమన్వయ లోపం లేకుండా చూచుకోవాలి. సమర్ధతను పెంచాలి. ఆవేశంతో నిర్ణయాలు తీసుకోరాదు. ప్రశాంతమైన ఆలోచనలతో గొప్పవారవుతారు. ఆత్మీయులతో విభేదాలు రాకుండా చూసుకోవాలి. రెట్టించిన ఉత్సాహంతో పనిచేయాలి. శుభఫలితాలు పొందడానికి వేంకటేశ్వర సందర్శించాలి.
తుల..
కొత్త పనులు చేపడతారు. తోటివారిని కలుపుకొని పోవడం వల్ల శీఘ్ర ఫలితాలు సొంతమవుతాయి. ఉత్సాహంతో ముందుకు సాగి విజయవంతమైన ఫలితాలను అందుకుంటారు. ఇష్టదైవ శ్లోకాలు చదివితే మంచిది.
వృశ్చికం..
కష్టానికి తగిన ఫలితాలు సొంతమవుతాయి. నూతన కార్యక్రమాలను మొదలు పెట్టేముందు లాభ నష్టాలను అంచనావేసి ముందుకుసాగండి. ఆరోగ్యాన్ని నిర్లక్ష్యం చేయకండి. ప్రయాణాలు ఫలిస్తాయి. శివపార్వతుల సందర్శనం ఉత్తమ ఫలితాలను ఇస్తుంది.
ధనస్సు..
శుభకాలం. బంగారు భవిష్యత్తుకు బాటలు వేస్తారు. ఒక వ్యవహారంలో అధికారుల మన్నలను అందుకుంటారు. ప్రయాణ సౌఖ్యం కలదు. ఇష్టదైవారాధన మంచిది.
మకరం...
పరిపూర్ణమైన ఆత్మవిశ్వాసంతో పనిచేయాలి. అలసట పెరగకుండా ముందుచూపుతో వ్యవహరించాలి. నిర్ణయాలు తీసుకోవడంలో ఇబ్బందిపడతారు. ఇతరుల వ్యవహారాలలో జోక్యం చేసుకోకపోవడమే మంచిది. వేంకటేశ్వర స్వామి సందర్శనం ఉత్తమం.
కుంభం..
పనుల్లో ఆటంకాలు పెరుగుతాయి. దైవబలంతో అనుకున్నది సాధిస్తారు. తోటివారిని కలుపుకొనిపోతే పనులు త్వరగా పూర్తవుతాయి. ఒత్తిడి పెరగకుండా చూసుకోవాలి. మొహమాటంతో ఖర్చులు పెరుగుతాయి. లక్ష్మీధ్యానం చేయండి.
మీనం..
ఆత్మీయుల సహకారంతో అనుకున్నది సాధిస్తారు. స్థిరమైన భవిష్యత్తుకై ఆలోచనలు చేస్తారు. మీమీ రంగాల్లో మంచి ఫలితాలను అందుకుంటారు. శ్రీ రామనామాన్ని జపిస్తే మంచిది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చూడండి: Weekly Horoscope: ఈ వారం రాశిఫలం (జనవరి 30 - ఫిబ్రవరి 05)
