కొవిడ్ బాధితులకు చికిత్స విషయంలో కొత్త మార్గదర్శకాలను డైరెక్టర్ జనరల్ హెల్త్ సర్వీస్(డీజీహెచ్ఎస్) జారీ చేసింది. ఐవర్మెక్టిన్, హైడ్రాక్సిక్లోరోక్విన్, బుడెసోనైడ్ ఔషధాలను కరోనా చికిత్సలో వినియోగించకూడదని పేర్కొంది.
అయితే.. ఐవర్మెక్టిన్, హెచ్సీక్యూ వంటి ఔషధాలను కొవిడ్ నివారణ కోసం వినియోగించేందుకు భారత వైద్య పరిశోధన మండలి గతంలో ఆమోదించటం గమనార్హం.
సీటీ స్కాన్ వద్దు..
కొవిడ్ ఇన్ఫెక్షన్ను గుర్తించడానికి హై రిజల్యూషన్ సీటీ స్కాన్ను కూడా చేయవద్దని మార్గదర్శకాల్లో పేర్కొంది డీజీహెచ్ఎస్.
డీజీహెచ్ఎస్ తాజా మార్గదర్శకాల్లో ఎస్పీఓ2 స్థాయులు 92 నుంచి 95 శాతం మధ్య ఉన్నవారికి మాత్రమే ఆక్సిజన్ మద్దతును అందించాలని సూచించింది. కరోనా చికిత్సలో వినియోగించే 'రెమ్డెస్విర్' ఔషధాన్ని వైరస్ బారిన పడ్డ 10 రోజుల తర్వాత వ్యాధితో తీవ్రంగా ప్రభావితమైన వారికి మాత్రమే అత్యవసర వినియోగం కింద అందిచాలని స్పష్టం చేసింది.
శాస్త్రీయ ఆధారాల లభ్యతపై ఔషధాల వినియోగం ఆధారపడి ఉంటుందని ఐసీఎంఆర్కు చెందిన వైద్య నిపుణులు డాక్టర్ సునీలా గార్గ్ తెలిపారు.
ఇదీ చూడండి: గంటల కొద్దీ కదలకుండా కూర్చుంటే ఆరోగ్యానికి చేటే!
