సీబీఎస్ఈ 10, 12వ తరగతి పరీక్షలు రద్దయిన క్రమంలో.. విద్యార్థుల నుంచి వసూలు చేసిన ఫీజును తిరిగి చెల్లించాల్సిన అంశంపై సీబీఎస్ఈ బోర్డు తుది నిర్ణయం తీసుకోవాలని దిల్లీ హైకోర్టు(Delhi High Court) ఆదేశించింది. ఈ మేరకు 8 వారాల గడువు ఇస్తున్నట్లు తీర్పు వెలువరించింది.
పదో తరగతి పరీక్షల కోసం రూ. 2100 రుసుం చెల్లించిన ఓ విద్యార్థి తల్లి వేసిన పిటిషన్పై విచారణ జరిపిన కోర్టు ఈ విధంగా తీర్పు ఇచ్చింది. సీబీఎస్ఈ తీసుకునే నిర్ణయంతో పిటిషనర్ సంతృప్తి చెందకపోతే.. ఆ నిర్ణయాన్ని సవాల్ చేయొచ్చని జస్టిస్ ప్రతీక్ జలన్ అన్నారు. ఇరువర్గాల వారి నిర్ణయం సహేతుకంగా ఉండాలని ఆదేశించారు.
తొలుత పిటిషనర్ తరఫున వాదించిన న్యాయవాది రాబిన్ రాజు.. పరీక్ష నిర్వహణ పూర్తిగా రద్దయిన నేపథ్యంలో కొంతమేరకైనా ఫీజును రీఫండ్ చేయాలని కోరారు. పరీక్షల నిర్వహణ కోసం సీబీఎస్ఈ బోర్డు చేసే ఖర్చు చాలా మేరకు తగ్గిందని, పాఠశాలలే గ్రేడింగ్ ఇవ్వనున్నాయని తెలిపారు. ఈ వాదనలపై దిల్లీ హైకోర్టు ఆగ్రహం వ్యక్తం చేసింది. సీబీఎస్ఈ బోర్డు ఏమీ చేయడం లేదని అనడం సరికాదని పేర్కొంది.
కొవిడ్ ఉద్ధృతి కారణంగా సీబీఎస్ఈ పరీక్షలు రద్దు చేస్తూ ఈటీవలే బోర్డు కీలక నిర్ణయం తీసుకుంది.
