ఓ మహిళ రూ.39.48లక్షలు విలువ చేసే 851 గ్రాముల బంగారాన్ని లోదుస్తుల్లో దాచుకుని అక్రమరవాణా చేస్తూ కస్టమ్స్ అధికారులకు చిక్కింది. ఈ ఘటన కర్ణాటకలోని మంగళూరు అంతర్జాతీయ విమానాశ్రయంలో జరిగింది.
కేరళలోని కాసరగాడ్ జిల్లా చేరూర్కు చెందిన ఫౌసియా మిస్రియా మోహీదీన్ కుంజీ అనే మహిళ దుబాయ్నుంచి తన కుటుంబంతో కలిసి మంగళూరు విమానాశ్రయంలో దిగింది. అనుమానమొచ్చి కస్టమ్స్ అధికారులు ఆమెను తనిఖీ చేశారు. దాంతో ఆమె లోదుస్తుల్లో 851 గ్రాముల అక్రమ బంగారం ఉంది. దాంతో ఆమెను కస్టమ్స్ అధికారులు అరెస్టు చేసి బంగారాన్ని సీజ్ చేశారు.
ఇదీ చదవండి: 'బంగారం స్మగ్లింగ్ ఉగ్రవాద చర్యేనా?'
