Gold Smuggling In Karnataka: కర్ణాటకలో బంగారం ముద్దలను శరీరంలో దాచుకుని అక్రమంగా తరలిస్తున్న వ్యక్తిని విమానాశ్రయంలో కస్టమ్స్ అధికారులు అరెస్టు చేశారు.
584 గ్రాముల బంగారాన్ని కోడిగుడ్డు రూపంలో ముద్దలుగా మార్చి శరీరంలో దాచుకుని దుబాయ్ నుంచి వస్తున్న ప్రయాణికున్ని మంగళూరు అంతర్జాతీయ విమానాశ్రయంలో కస్టమ్స్ అధికారులు గుర్తించారు. అతన్ని అరెస్టు చేసి బంగారాన్ని స్వాధీనం చేసుకున్నారు. దాని విలువ సుమారు రూ. 29 లక్షలు ఉంటుందని తెలిపారు.
5.3 కోట్ల హెరాయిన్..
Heroin Seized in Karnataka: కొరియర్లో అక్రమంగా తరలిస్తున్న 754 గ్రాముల హెరాయిన్ను దేవనహళ్లి కెంపెగౌడ అంతర్జాతీయ విమానాశ్రయంలో కస్టమ్స్ అధికారులు స్వాధీనం చేసుకున్నారు. దాని విలువ సుమారు రూ.5.3 కోట్లు ఉంటుందని తెలిపారు.
డాక్యుమెంట్స్తో కూడిన బ్యాగ్.. కొరియర్లో దుబాయ్ నుంచి విమానాశ్రయానికి వచ్చింది. దానిని అధికారులు తనిఖీ చేయగా.. బ్యాగ్లో పేపర్ల మధ్య హెరాయిన్ పౌడర్ బయటపడింది. కేసు నమోదు చేసుకుని దానిని స్వాధీనం చేసుకున్నారు పోలీసులు.
సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!
ఇదీ చదవండి: విద్యార్థినిపై ఇద్దరు సహచర బాలురు అత్యాచారం!
