Gang rape victim: స్నేహితులే కదా అని నమ్మి వారితో వెళ్లటమే ఆ బాలిక చేసిన పొరపాటు. మాట్లాడదామని హోటల్కు తీసుకెళ్లి అత్యాచారానికి పాల్పడ్డారు ఆమె ఇద్దరు స్నేహితులు. ఈ దారుణ సంఘటన ఉత్తర్ప్రదేశ్ ఆగ్రాలోని తాజ్గంజ్ పోలీస్ స్టేషన్ పరిధిలోని ఓ హోటల్లో ఆదివారం రాత్రి జరిగింది.
నిందితుల చెర నుంచి బయటపడేందుకు ప్రయత్నించిన బాధితురాలు.. యూపీ పోలీస్ అత్యవసర హెల్ప్లైన్ నంబర్ 112కు ఆదివారం రాత్రి 11 గంటల సమయంలో ఫోన్ చేసినట్లు పోలీసులు తెలిపారు. తనపై జరిగిన అఘాయిత్యంపై సమాచారం అందించినట్లు చెప్పారు. 'నిందితుల్లో ఒకరు ఆమెకు బాగా తెలుసు. చాలా సార్లు కలిశాడు. మాట్లాడాలని చెప్పి కారులో హోటల్కు తీసుకెళ్లాడు. అక్కడికి మరో వ్యక్తి వచ్చాడు. ఆ తర్వాత ఇద్దరు కలిసి అఘాయిత్యానికి పాల్పడ్డారు' అని బాధితురాలు వివరించినట్లు తెలిపారు.
బాలికపై అత్యాచారానికి పాల్పడిన తర్వాత హోటల్ నుంచి పారిపోయారని, బాధితురాలు ఇచ్చిన ఫిర్యాదు మేరకు కేసు నమోదు చేసినట్లు చెప్పారు పోలీసులు. నిందితుల కోసం గాలింపు చేపట్టినట్లు తెలిపారు.
12 ఏళ్ల బాలికపై కారు డ్రైవర్ అత్యాచారం
ట్రాన్స్జెండర్తో కలిసి కిన్నర్ సమ్మేళనానికి వచ్చిన 12 ఏళ్ల బాలికపై వారి కారు డ్రైవర్ అత్యాచారానికి పాల్పడ్డాడు. ఈ సంఘటన ఉత్తర్ప్రదేశ్ ఫిరోజాబాద్లోని శికోహబాద్ ప్రాంతంలో ఈనెల 8వ తేదీన జరిగింది. కేసు నమోదు చేసిన పోలీసులు.. కారు డ్రైవర్ను అరెస్ట్ చేసి జైలుకు తరలించారు.
టీనేజర్పై గ్యాంగ్ రేప్.. డబ్బుల కోసం వేధింపులు..
Gang rape: 16 ఏళ్ల బాలికపై ఇద్దరు వ్యక్తులు అత్యాచారానికి పాల్పడి, ఆ దుశ్చర్యను వీడియో తీయటమే కాకుండా.. డబ్బులు ఇవ్వాలని బెదిరింపులకు పాల్పడ్డారు. హరియాణా జింద్ జిల్లాలో గత ఏడాది ఆగస్టు 5న జరిగిన ఈ సంఘటన ఆలస్యంగా వెలుగులోకి వచ్చింది.
ఘర్హీ పోలీస్ స్టేషన్ పరిధిలోని ఓ గ్రామానికి చెందిన 11వ తరగతి విద్యార్థిని తమ కాలనీలో అద్దెకు ఉంటున్న ఓ మహిళను కలిసేందుకు వెళ్లింది. ఈ క్రమంలో ఇద్దరు దుండగులు అత్యాచారానికి పాల్పడ్డారు. వీడియో తీశారు. ఎవరికైనా చెబితే చంపేస్తామని బెదిరించారు. వీడియో వైరల్ చేస్తామంటూ డబ్బులు డిమాండ్ చేశారు. వారి వేధింపులు తట్టుకోలేకపోయిన బాధితురాలు జరిగిన విషయాన్ని కుటుంబ సభ్యులతో చెప్పింది. ఈ సంఘటనపై పోలీసులకు ఫిర్యాదు చేశారు బాధితురాలి తల్లి.
పోక్సో సహా ఇతర చట్టాల కింద మహిళతో పాటు మొత్తం ముగ్గురిపై కేసు నమోదు చేశారు.
ఇదీ చూడండి: మైనర్పై టీచర్ అత్యాచారం.. సోదరిని పెళ్లి చేసుకున్నాడని స్నేహితుడి హత్య
