దిల్లీలోని ఇందిరా గాంధీ ఇంటర్నేషనల్ ఎయిర్‌పోర్ట్లో అంతర్జాతీయ డ్రగ్స్ రాకెట్ బయటపడింది. ఎయిర్‌పోర్ట్లో కస్టమ్స్ తనిఖీలు నిర్వహించగా అనుమానాస్పదంగా కనిపించిన ఇద్దరు మహిళలను విచారించారు పోలీసులు. వారు నోరు మెదపకపోయేసరికి.. శునకాల ద్వారా నిర్వహించిన తనిఖీల్లో పెద్దఎత్తున హెరాయిన్ గుర్తించారు. సూట్కేసు అడుగు భాగంలో దాచి.. ఈ అక్రమ రవాణాను కొనసాగిస్తున్నట్లు గుర్తించారు. వీరి వద్ద 12కిలోల హెరాయిన్ స్వాధీనం చేసుకోగా.. దీని విలువ దాదాపు రూ.90 కోట్లు ఉంటుందని స్పష్టం చేశారు.
ఉగాండా నుంచి మెడికల్ వీసాపై భారత్కు వీరు వచ్చారు. రిద్దరూ కెన్యాలోని నైరోబీ నుంచి అబుదాబి మీదుగా భారత్కు వచ్చారు. హెరాయిన్ను దిల్లీకి చేరవేయగానే డబ్బు అందుతుందని విచారణలో ఈ మహిళలు వెల్లడించారు. నిందితులపై నార్కొటిక్స్ చట్టం కింద కేసు నమోదు చేశారు అధికారులు. పట్టుబడిన హెరాయిన్ను ఎవరు ఆర్డర్ చేశారు? ఎవరికి డెలివరీ చేయబోతున్నారు? అనే విషయాలను తెలుసుకునేందుకు ప్రయత్నిస్తున్నారు.
ఇవీ చదవండి:
