ఓ వైద్యుడు, ఓ రోగి సహా ఐదుగురు వ్యక్తులతో వెళ్తున్న ఓ ఛార్టర్డ్ విమానం.. ముంబయి విమానాశ్రయంలో అత్యవసర ల్యాండింగ్ అయింది. విమానం ల్యాండింగ్ సమయంలో మంటలు చెలరేగకుండా ఉండేందుకు రన్వేపై విమానాశ్రయ అధికారులు నురగను ఏర్పాటు చేశారు. ప్రయాణికులంతా సురక్షితంగానే ఉన్నారని తెలిపారు. నాగ్పుర్ నుంచి ముంబయికి వెళ్తుండగా ఈ ఘటన జరిగిందని చెప్పారు.
నాగ్పుర్ నుంచి విమానం టేకాఫ్ అయ్యే క్రమంలో విమాన చక్రంలో సమస్యలు ఏర్పడినట్లు తెలుస్తోంది. సామాజిక మాధ్యమాల్లో విమానం ల్యాండ్ అయిన ఫొటోలు, వీడియోలు ఈ విషయాన్ని తెలియజేస్తున్నాయి. అయితే.. దీనిపై అధికారులు ఇంకా స్పష్టత ఇవ్వలేదు. ఈ విమానం.. గురుగ్రామ్కు చెందిన జెట్ సర్వీస్ ఏవియేషన్ ప్రైవేట్ లిమిటెడ్కు చెందినదని ఓ అధికారి తెలిపారు.
అయితే.. విమానంలోని ప్రయాణికులు సురక్షితంగానే ఉన్నారని విమానాశ్రయం ఓ ప్రకటన విడుదల చేసింది. ముందు జాగ్రత్త చర్యగా సహాయక చర్యల కోసం సిబ్బందిని మోహరించినట్లు చెప్పింది.
ఇదీ చూడండి: ఆక్సిజన్ సరఫరాపై మోదీకి కేజ్రీవాల్ కృతజ్ఞతలు
