అసెంబ్లీ ఎన్నికల వేళ బంగాల్ రాజకీయాలు వేగంగా మారుతున్నాయి. తృణమూల్ కాంగ్రెస్(టీఎంసీ) నేత సుశాంత్ పాల్ ఆ పార్టీని వీడి భాజపా తీర్థం పుచ్చుకున్నారు. ఈ మేరకు గురువారం.. పింగ్లా ప్రాంతంలో జరిగిన భాజపా ఎన్నికల ర్యాలీలో సువేందు అధికారి సమక్షంలో.. కాషాయ కండువా కప్పుకున్నారు.
ప్రచార కార్యక్రమంలో గుంజిళ్లు తీస్తున్న సుశాంతపాల్
1998 నుంచి టీఎంసీలో ఉంటూ సువేందు అధికారికి విధేయుడిగా పేరు తెచ్చుకున్న సుశాంత్.. ఇన్నాళ్లూ నిరంకుశ పాలనలో ఉన్నానని టీఎంసీని ఉద్దేశించి అన్నారు. అందుకు ప్రాయశ్చితంగా తన ప్రసంగం మధ్యలో అందరి ముందు గుంజిళ్లు తీశారాయన. ఈ సందర్భంగా భాజపా మద్దతుదారులు జై శ్రీరామ్ నినాదాలు చేశారు.
ఈ కార్యక్రమంలో పాల్తో పాటు.. టీఎంసీలో మున్సిపాలిటీ ఛైర్మన్ వంటి పదవులు చేపట్టిన పలువురు నేతలు కూడా భాజపాలోకి చేరారు.
ఇదీ చదవండి: మిఠాయి దుకాణాల్లో బంగాల్ రాజకీయం!
