జమ్ముకశ్మీర్ అర్ణియా సెక్టార్ వద్ద ఓ డ్రోన్(Drone in jammu) కలకలం సృష్టించింది. మంగళవారం రాత్రి అంతర్జాతీయ సరిహద్దు సమీపంలో ఎగురుతున్న డ్రోన్‌ను గుర్తించిన సరిహద్దు భద్రతాదళం (బీఎస్ఎఫ్) దానిపై కాల్పులు జరిపింది.
భారత భూభాగంలోనే సుమారు రెండువందల మీటర్ల ఎత్తులో ఎరుపురంగు కాంతితో మెరుస్తున్న వస్తువు కనిపించిన బీఎస్ఎఫ్ అధికారులు.. వెంటనే దానిపైకి కాల్పులు జరిపినట్లు ఓ ప్రకటనలో తెలిపారు. అనంతరం ఆ వస్తువు అక్కడి నుంచి వెనక్కి వెళ్లిందన్న అధికారులు.. ఆ ప్రాంతంలో గాలించినప్పటికీ ఎలాంటి అనుమానిత వస్తువులు దొరకలేదని పేర్కొన్నారు.
జులై 2న పాకిస్థాన్ వైపు నుంచి ఓ క్వాడ్ కాప్టర్‌ అంతర్జాతీయ సరిహద్దు గుండా భారత ప్రాదేశిక భూభాగంలోకి ప్రవేశించేందుకు యత్నించింది. వెంటనే అప్రమత్తమైన బీఎస్ఎఫ్ జవాన్లు కాల్పులు జరపగా.. ఆ ప్రయత్నం విఫలమైంది. డ్రోన్ల ద్వారా పాకిస్థాన్ ఉగ్రవాదులు దాడులకు పాల్పడుతున్న వేళ.. తాజా ఘటనను బీఎస్ఎఫ్ తీవ్రంగా పరిగణిస్తోంది.
ఇదీ చూడండి: జమ్ముకశ్మీర్లో ఎన్కౌంటర్- ముగ్గురు ఉగ్రవాదులు హతం
