రైల్వేలో అప్రెంటిస్‌షిప్ పథకాన్ని(Rail Apprenticeship Scheme) తిరిగి ప్రారంభించాలని కేంద్ర ఆర్థిక మంత్రిత్వ శాఖ(Finance Ministry) సిఫార్సు చేసింది. రైల్వేలో ప్రతిభావంతులైన యువత అవసరం ఉన్నందున ఈ కోర్సు ప్రారంభం అవసరమని అభిప్రాయపడింది. దశాబ్దాలుగా అమలులో ఉన్న ఈ పథకాన్ని 2015లో నిలిపేసింది కేంద్రం.
పెరుగుతున్న రవాణా రంగ అవసరాల కోసం దీనిని తిరిగి ప్రారంభించాలని తాజాగా కేంద్ర ఆర్థిక శాఖ అభిప్రాయపడింది. రైల్వేల హేతుబద్ధీకరణలో భాగంగా రూపొందించిన నివేదికలో ఆర్థిక మంత్రిత్వ శాఖ ఈ మేరకు సిఫార్సు చేసింది. దీనితో పాటు రైల్వే ఆస్తులు, రైల్‌టెల్, క్రిస్(CRIS), ఐఆర్సీటీసీ(IRCTC) వంటి సంస్థల విలీనం సహా అనేక సిఫార్సులను చేసింది.
1927లో రూపొందించిన స్పెషల్ క్లాస్ రైల్వే అప్రెంటిస్ (SCRA) కార్యక్రమంలో భాగంగా.. యూపీఎస్సీ ద్వారా అభ్యర్థులను ఎంపిక చేసి జమాల్‌పూర్‌లోని ఇండియన్ రైల్వే ఇన్స్టిట్యూట్ ఆఫ్ మెకానికల్ అండ్ ఎలక్ట్రికల్ ఇంజనీరింగ్‌లో శిక్షణనిచ్చేవారు. అయితే ప్రస్తుతం ఈ పథకాన్ని వడోదరాలోని నేషనల్ రైల్ అండ్ ట్రాన్స్‌పోర్టేషన్ ఇనిస్టిట్యూట్ (NRTI)లో ప్రారంభించాలని సూచించింది ఆర్థిక మంత్రిత్వ శాఖ.
నేషనల్ డిఫెన్స్ అకాడమీ, ఇండియన్ ఇన్స్టిట్యూట్ ఆఫ్ స్పేస్ సైన్స్ అండ్ టెక్నాలజీ తరహాలో ఎన్టీఆర్ఐ(NRTI) అప్రెంటిస్‌షిప్ స్కీమ్‌ను ధ్రువీకరించాలని కూడా ఆర్థిక శాఖ ప్రతిపాదించింది.
ఇవీ చదవండి:
