Fake Universities Declared By UGC:చట్ట విరుద్దంగా నడుస్తున్న 21 విశ్వవిద్యాలయాలను నకిలీ సంస్థలుగా ప్రకటించింది యూనివర్సిటీ గ్రాంట్స్‌ కమిషన్. ఉన్నత విద్యకోసం ఈ విశ్వవిద్యాలయాల్లో చేరవద్దని విద్యార్ధులను హెచ్చరించింది కమిషన్. సుమారు 21 స్వీయ-శైలి విశ్వవిద్యాలయాలను గుర్తింపు లేని నకిలీ సంస్థలుగా ప్రకటిస్తూ పబ్లిక్ నోటీసులు జారీ చేసింది.
ఈ విశ్వవిద్యాలయాలకు ఎటువంటి డిగ్రీ ప్రదానం చేసే అధికారం లేదని నోటీసులో స్పష్టంగా తెలిపింది. ప్రకటించిన నకిలీ విశ్వవిద్యాలయాల జాబితాలో అధిక సంస్థలు ఢిల్లీలోనే ఉన్నాయి. దాదాపు 8 విశ్వవిద్యాలయాలు ఈ జాబితాలో ఉన్నట్లు యూజీసీ తెలిపింది. తర్వాత స్థానంలో ఉత్తర ప్రదేశ్ ఉంది. ఇక్కడ 7 నకిలీ యూనివర్సిటీలు ఉన్నాయి. ఆంధ్రప్రదేశ్‌లో గుంటూరు నుంచి కార్యకాలపాలు నిర్వహిస్తున్న 'క్రీస్ట్‌ న్యూ టెస్ట్‌మెంట్‌ డీమ్డ్‌ యూనివర్సిటీ'ని నకిలీ విశ్వవిద్యాయంగా ప్రకటించింది యూజీసీ. కర్ణాటక, కేరళ, మహారాష్ట్ర, పుదుచ్ఛేరిల్లో ఒక్కో విశ్వవిద్యాలయం, పశ్చిమ బెంగాల్‌, ఒడిశాల్లో రెండు ఉన్నట్లు యూజీసీ వెల్లడించింది.
ఇదీ చదవండి:
న్యాయమూర్తి ప్రధాన లక్ష్యం అదే కావాలన్న జస్టిస్ రమణ
డ్రగ్స్ ఇచ్చి టిక్టాక్ స్టార్ హత్య, సీసీటీవీ ఫుటేజ్తో తేల్చిన పోలీసులు
