భారత మాజీ ప్రధాని మన్మోహన్ సింగ్ (Manmohan Singh Latest News) డెంగీ జ్వరం బారినపడినట్లు దిల్లీ ఎయిమ్స్ అధికారులు తెలిపారు. అయితే ఆయన ఆరోగ్యం (Manmohan Singh Health) మెరుగవుతోందని శనివారం వెల్లడించారు.
89 ఏళ్ల మన్మోహన్... అస్వస్థత కారణంగా బుధవారం దిల్లీలోని ఎయిమ్స్లో చేరారు. "మన్మోహన్కు డెంగీ జ్వరం వచ్చింది. అయితే ఆయన ప్లేట్లెట్ల సంఖ్య వృద్ధి చెందుతోంది. ఆరోగ్యం కూడా మెరుగుపడుతోంది," అని అధికారులు తెలిపారు.
ఆస్పత్రిలోని కార్డియో న్యూరో సెంటర్లోని ఓ ప్రైవేట్ వార్డులో మన్మోహన్ చికిత్స పొందుతున్నారు. ఆయనను గురువారం కలుసుకున్న కేంద్ర ఆరోగ్య మంత్రి మన్సుఖ్ మాండవీయ.. ఆరోగ్య పరిస్థితిపై ఆరాతీశారు.
ఇదీ చూడండి: నిలకడగా మన్మోహన్ ఆరోగ్యం- కోలుకోవాలని ప్రధాని ఆకాంక్ష
