ఎన్నికల ముందు బంగాల్‌ డీజీపీ బదిలీ

బంగాల్​ డీజీపీ వీరేంద్రను బదిలీ చేస్తూ ఆదేశాలు జారీచేసింది కేంద్ర ఎన్నికల సంఘం. ఆ రాష్ట్రంలో మరికొన్ని రోజుల్లో అసెంబ్లీ ఎన్నికలు జరగనున్న నేపథ్యంలో డీజీపీ బదిలీ ప్రాధాన్యం సంతరించుకుంది.

బంగాల్‌లో ఎన్నికల వేళ కేంద్ర ఎన్నికల సంఘం కీలక నిర్ణయం తీసుకుంది. ఆ రాష్ట్ర డీజీపీ వీరేంద్రను బదిలీ చేస్తూ ఆదేశాలు జారీచేసింది. ఈ ఆదేశాలు తక్షణమే అమల్లోకి వస్తాయని తెలిపింది. ఆయన స్థానంలో 1987 బ్యాచ్‌కు చెందిన ఐపీఎస్‌ అధికారి పి.నీరజ్‌ నయన్‌ను నియమించింది.

ఎన్నికల సన్నద్ధతలో భాగంగా రాష్ట్రంలోని పరిస్థితిని సమీక్షించిన అనంతరం కేంద్ర ఎన్నికల సంఘం ఈ నిర్ణయం తీసుకున్నట్టు ఈసీ కార్యదర్శి రాకేశ్ కుమార్‌ ఓ ప్రకటనలో తెలిపారు. వీరేంద్రకు ఎలాంటి బాధ్యతలూ అప్పగించలేదు.

బంగాల్‌లో ఈ నెల 27 నుంచి ఏప్రిల్‌ 29 వరకు ఎనిమిది విడతల్లో ఎన్నికలు జరగనున్నాయి. మే 2న ఫలితాలు వెలువడనున్నాయి.

ఇదీ చూడండి: బంగాల్​ దంగల్​: 'ఛాయ్​'వాలాగా మారిన దీదీ