వ్యూహాత్మకంగా కీలకమైన హిందూ మహా సముద్రం ప్రాంతంపై నిఘా వ్యవస్థను మరింత పటిష్ఠం చేసేందుకు డీఆర్డీఓ అభివృద్ధి చేసిన సింధు నేత్ర ఉపగ్రహం కక్ష్యలోకి చేరింది. పీఎస్ఎల్వీ సీ-51 వాహకనౌక ఈ ఉపగ్రహాన్ని కక్ష్యలోకి ప్రవేశపెట్టింది. డీఆర్డీఓకు చెందిన యువశాస్త్రవేత్తలు తయారు చేసిన సింధు నేత్ర హిందూ మహా సముద్రంలోని యుద్ధనౌకలు, వాణిజ్యనౌకల కదలికలను గుర్తించనుంది.
ఈ ఉపగ్రహం భూ వ్యవస్థలతో కలిసి పనిచేయడం ప్రారంభించినట్లు ప్రభుత్వ వర్గాలు తెలిపాయి. చైనా, పాకిస్తాన్‌ సరిహద్దుల్లో నిఘాన మరింత బలోపేతం చేసేందుకు ఇది ఉపయోగపడనున్నట్లు వివరించాయి. అవసరమైతే ఈ ఉపగ్రహం దక్షిణ చైనా సముద్రం, ఆఫ్రికా తీరం సహా పలు ప్రాంతాలపై నిఘా ఉంచుతుందని స్పష్టం చేశాయి.
