పాములు కాటేసే ముందు ఏం చేస్తాయో తెలుసా? - అప్పుడు మనుషులు ఏం చేయాలి?

Snake Warning Before Biting: పాము ఎదురుగా కనిపిస్తే.. తెలియకుండానే అడుగు వెనక్కి పడుతుంది. అది కాటు వేస్తే జరిగే నష్టం ఆ స్థాయిలో ఉంటుంది మరి! అయితే.. పాము కాటు వేసే సమయంలో హెచ్చరిస్తుందా? అసలు కాటేసే ముందు ఏం చేస్తుంది? మనుషులు అది ఎలా గుర్తించాలి? ఏం చేయాలి? అన్నది ఇప్పుడు చూద్దాం.

Does Snake Give Warning Before Bite : పాము కాటేస్తే ఏం జరుగుతుందో అందరికీ తెలుసు. విష ప్రభావం ఎక్కువగా ఉంటే.. నిలువునా ప్రాణాలు పోతాయి. అందుకే.. పాము అంటే అందరికీ భయమే. అయితే.. పాము కాటేస్తున్నప్పుడు మనుషులను హెచ్చరిస్తుందా? ఆ హెచ్చరిక ఏ రూపంలో ఉంటుంది? అప్పుడు మనుషులు ఏం చేయాలి? అన్నది ఈస్టోరీలో చూద్దాం.

విషం అనేది పాముల ఆయుధం. దానితోనే అవి ఆహారాన్ని సంపాదించుకుంటాయి. అందుకే.. విషాన్ని అవి చాలా జాగ్రత్తగా వాడుతాయి. అయితే.. అవి తప్పించుకోవడానికి అవకాశం లేనటువంటి పరిస్థితుల్లో.. ప్రాణ రక్షణ కోసం మాత్రమే విషాన్ని బయటకు తీస్తాయని స్నేక్​ క్యాచర్స్​ చెబుతున్నారు. అంతేకాదు.. పాములు కాటేసే ముందు హెచ్చరిస్తాయని కూడా చెబుతున్నారు.

ఒక్క కట్లపాము మినహా మిగిలిన అన్ని పాములూ ముందుగానే వివిధ శబ్ధాలతో హెచ్చరిస్తాయట. దాన్ని నిశితంగా గమనిస్తే.. పాము కాటు నుంచి తప్పించుకోవచ్చంటున్నారు. పాములను చూసి మనం భయపడతాం గానీ.. వాటికి కూడా మనుషులంటే భయమే. ప్రాణ భయంతోనే పాములు కాటేసి తప్పించుకునేందుకు చూస్తాయి. పాము ఎదురైనప్పుడు మనుషులు కదలకుండా ఉండిపోతే.. అది పక్కనుంచి వెళ్లిపోతుందని అంటున్నారు.

పాము కాటు వేసే ముందు ఇచ్చే సంకేతాలు ఏంటి: ఒక్క కట్లపాము మినహా మిగిలిన పాములన్నీ కాటు వేసే ముందు హెచ్చరిస్తాయని నిపుణులు చెప్తున్నారు. కట్లపాము ఒక్కటే ఎప్పుడు కాటువేస్తుందో చెప్పలేమని.. మిగిలిన పాములు మాత్రం కాటు వేసే ముందు గట్టిగా శ్వాస పీల్చుకుంటూ "బుస్స్" "బుస్స్".. అని శబ్ధం చేస్తాయంటున్నారు. అదేవిధంగా.. శరీరాన్ని నేలపై బలంగా కదిలిస్తూ శబ్ధం చేసే ప్రయత్నం చేస్తాయట. పాముల ప్రవర్తనను నిశితంగా గమనించగలిగితే పాము కాటు నుంచి తప్పించుకోవచ్చు అని స్నేక్ క్యాచర్స్​ చెబుతున్నారు.

కట్లపాము ఇలా : పాముల్లో కట్లపాము చాలా డేంజర్. దీని కాటుకు గురైతే ప్రాణాపాయానికి అవకాశాలు ఎక్కువగా ఉంటాయని చెబుతున్నారు. ఈ పాములు బూడిద, నలుపు, గోధుమ రంగుల్లో ఉంటాయి. ఇవి రాత్రి వేళల్లో చురుగ్గా ఉంటాయి. రాత్రి నుంచి తెల్లవారే వరకు ఆహారం కోసం వేటాడుతుంటాయి. మిగిలిన పాముల్లా ఇది హెచ్చరిలు చేయకుండానే దాడి చేస్తుందని చెబుతున్నారు.

పాము కాటు వేసిన వెంటనే ఏం జరుగతుంది..: పాము కాటుకు గురైన 15-20 నిముషాల నుంచి విషం ప్రభావం శరీరంలో కనిపించడం మొదలవుతుంది. 30 నుంచి 45 నిముషాల సమయంలో విషం శరీరమంతా వ్యాపిస్తుంది. విషపూరిత లక్షణాలు కనిపించడానికి సుమారు రెండు నుంచి రెండున్నర గంటల సమయం పడుతుంది. దాదాపు 4 నుంచి 6 గంటల్లో తీవ్రత గరిష్ఠ స్థాయికి చేరుకుంటుంది. అందువల్ల.. సాధ్యమైనంత త్వరగా వైద్య సహాయం అందించాల్సి ఉంటుంది.