తమిళనాడు విరుధునగర్ బాణసంచా కర్మాగారంలో జరిగిన పేలుడులో మరణించిన వారి సంఖ్య 25కు చేరింది. ఫిబ్రవరి 12న ఈ ఘటన జరగ్గా.. అదే రోజు 16 మంది ప్రాణాలు కోల్పోయారు. తాజాగా మృతుల సంఖ్యపై జిల్లా కలెక్టర్ ప్రకటన విడుదల చేశారు.
బాణసంచా తయారు చేయడానికి రసాయనాలు కలుపుతుండగా ఈ పేలుడు సంభవించింది. ఘటనకు సంబంధించి ఓ వ్యక్తిని పోలీసులు అదుపులోకి తీసుకున్నారు. తయారీ నిబంధనలను ఉల్లంఘించినందుకు 80 బాణాసంచా ఫ్యాక్టరీలను మూసేసినట్లు జిల్లా అధికారులు తెలిపారు. కర్మాగారాలు అవకతవకలకు పాల్పడకుండా ఉండేందుకు ఏడు బృందాలను ఏర్పాటు చేసి పర్యవేక్షిస్తున్నట్లు చెప్పారు.
