Cyber Attack On Supreme Court Phishing : సుప్రీం కోర్టు వెబ్సైట్పై ఫిషింగ్ (సైబర్ అటాక్) దాడి జరిగిందని పేర్కొంటూ అత్యున్నత న్యాయస్థానం గురువారం ఓ సర్క్యూలర్ జారీ చేసింది. అచ్చం రిజిస్ట్రీ వెబ్సైట్ లాంటి డొమైన్తో ఉన్న ఫేక్ వెబ్సైట్ క్రియేట్ చేశారని.. దాని ద్వారా యూజర్ల వ్యక్తిగత, రహస్య సమాచారాన్ని అడుగుతున్నారని తెలిపింది. అలాంటి యూఆర్ఎల్ ( యూనిఫామ్ రిసోర్స్ లొకేటర్- సైట్ అడ్రస్) ఉన్న వెబ్సైట్లో తమ వ్యక్తిగత, రహస్య సమాచారాన్ని పంచుకోవద్దని అడ్వైజరీ జారీ చేసింది. అలా పంచుకుంటే వ్యక్తిగత డేటాను సైబర్ నేరస్థులు చోరీ చేసే అవకాశం ఉందని హెచ్చరించింది.
Supreme Court Website Cyber Attack : అనుమానాస్పద లింక్లపై క్లిక్ చేయొద్దని అత్యున్నత న్యాయస్థానం సూచించింది. అసలైన వెబ్సైట్ అని ధ్రువీకరించుకున్నాకే అందులోకి వెళ్లాలని చెప్పింది. కాగా, సుప్రీంకోర్టు రిజిస్ట్రీ.. వ్యక్తిగత సమాచారం, ఆర్థిక వివరాలు లేదా ఇతర రహస్య సమాచారాన్ని ఎప్పుడూ అడగదని అడ్వైజరీలో పేర్కొంది. అయితే, అపెక్స్కోర్టుకు.. రిజిస్టర్ అయిన www.sci.gov.in అనే డొమైన్ ఉందని చెప్పింది. వెబ్సైట్ లింక్పై క్లిక్ చేసేటప్పుచు యూఆర్ఎల్ను సరిచూసుకోవాలని తెలిపింది.
నకిలీ వెబ్సైట్ గురించి న్యాయవాదులు, పిటిషనర్లు జాగ్రత్తగా ఉంటాలని ఆర్టికల్ 370పై విచారణ సందర్భంగా సీజేఐ జస్టిస్ డీవై చంద్రచూడ్ హెచ్చరించారు. దీంతో పాటు ఎవరైనా ఫిషింగ్ సైబర్ దాడికి గురైతే.. అన్ని ఆన్లైన్ బ్యాంకు ఖాతాల పాస్వర్డ్లను మార్చాలని సూచించింది. సంబంధిత క్రెడిట్ కార్డ్ కంపెనీని, బ్యాంకులను సంప్రదించాలని తెలిపింది. ఈ ఫిషింగ్ దాడిపై సుప్రీంకోర్టు రిజిస్ట్రీ తదిన చర్యలు తీసుకుందని.. ఈ ఘటనపై విచారణ జరిపి నిందితులను కోర్టు ముందుకు తీసుకురావడానికి దర్యాప్తు సంస్థలకు ఆదేశించిందని వెల్లడించింది.
2000 భారత వెబ్సైట్లపై సైబర్ దాడి.. వారి పనే!
గతేడాది భారత్పై సైబర్ దాడికి సంబంధించి 2000 వెబ్సైట్లను సైబర్ కేటుగాళ్లు హ్యాక్ చేశారు. అయితే అప్పట్లో బీజేపీ నేత నుపుర్ శర్మ చేసిన వివాదాస్పద వ్యాఖ్యలకు నిరసనగా మలేసియా, ఇండోనేసియా సైబర్ నేరగాళ్లు ఈ దాడులు చేశారని గుజరాత్ పోలీసులు వెల్లిడించారు. పూర్తి వివరాల కోసం ఈ లింక్పై క్లిక్ చేయండి.
