CWC Engineering Jobs : డిగ్రీ, ఇంజినీరింగ్ చేసి ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్. సెంట్రల్ వేర్హౌసింగ్ కార్పొరేషన్ (CWC) 153 పోస్టుల భర్తీకి ప్రకటన విడుదల చేసింది. ఈ నోటిఫికేషన్ ద్వారా అసిస్టెంట్ ఇంజినీర్ , జూనియర్ టెక్నికల్ అసిస్టెంట్ సహా పలు ఉద్యోగాలు భర్తీ చేయనుంది. ఆసక్తి గల అభ్యర్థులు సెప్టెంబర్ 24లోపు ఆన్లైన్లో దరఖాస్తు చేసుకోవాల్సి ఉంటుంది.
ఉద్యోగాల వివరాలు
CWC Jobs :
- అసిస్టెంట్ ఇంజినీర్ (సివిల్) - 18
- అసిస్టెంట్ ఇంజినీర్ (ఎలక్ట్రికల్) - 05
- అకౌంటెంట్ - 24
- సూపరింటెండెంట్ (జనరల్) - 11
- జూనియర్ టెక్నికల్ అసిస్టెంట్ - 81
- సూపరింటెండెంట్ (జనరల్) - SRD (NE) -02
- జూనియర్ టెక్నికల్ అసిస్టెంట్ - SRD (NE) -01
- జూనియర్ టెక్నికల్ అసిస్టెంట్ - SRD (లద్ధాఖ్) - 02
విద్యార్హతలు
CWC Eligibility :
- అసిస్టెంట్ ఇంజినీర్ పోస్టులకు సివిల్, ఎలక్ట్రికల్ ఇంజినీరింగ్లో ఉత్తీర్ణత సాధించి ఉండాలి.
- అకౌంటెంట్ పోస్టులకు బీకాం, బీఏ (కామర్స్), ఛార్టర్డ్ అకౌంటెంట్ చేసి ఉండాలి. ముఖ్యంగా 3 ఏళ్ల పని అనుభవం ఉండాలి.
- సూపరింటెండెంట్ ఉద్యోగాలకు.. ప్రభుత్వ గుర్తింపు పొందిన ఏదైనా విశ్వవిద్యాలయం నుంచి పోస్ట్ గ్రాడ్యుయేషన్లో ఉత్తీర్ణత సాధించి ఉండాలి.
- జూనియర్ టెక్నికల్ అసిస్టెంట్ పోస్టులకు అగ్రికల్చర్, జువాలజీ, కెమిస్ట్రీ, బయో-కెమిస్ట్రీ సబ్జెక్ట్ల్లో కనీసం ఏదైనా ఒకటి ప్రధాన అంశంగా డిగ్రీ చేసి ఉండాలి.
- పూర్తి వివరాల కోసం సీడబ్ల్యూసీ అధికారిక నోటిఫికేషన్ చూడండి.
వయోపరిమితి
CWC Age Limit :
- అసిస్టెంట్ ఇంజినీర్, అకౌంటెంట్, సూపరింటెండెంట్ అభ్యర్థుల వయస్సు 2023 సెప్టెంబర్ 24 నాటికి 30 ఏళ్లు మించరాదు.
- జూనియర్ టెక్నికల్ అసిస్టెంట్ పోస్టులకు అప్లై చేసే అభ్యర్థులకు 2023 సెప్టెంబర్ 24 నాటికి 28 ఏళ్ల మించి ఉండకూడదు.
- ప్రభుత్వ నిబంధనల ప్రకారం.. ఎస్సీ, ఎస్టీ, ఓబీసీ, దివ్యాంగులు, ఎక్స్ సర్వీస్మెన్కు వయోపరిమితి సడలింపులు వర్తిస్తాయి.
ఎంపిక విధానం
CWC Selection Process :
అభ్యర్థులకు ముందుగా రాత పరీక్ష నిర్వహిస్తారు. అందులో ఉత్తీర్ణులైన వారికి ఇంటర్వ్యూ నిర్వహిస్తారు. ఇందులోనూ క్వాలిఫై అయినవారికి డాక్యుమెంట్ వెరిఫికేషన్ చేసి, ఆయా పోస్టులకు ఎంపిక చేస్తారు.
దరఖాస్తు విధానం
CWC Application Process :
- ఆసక్తి గల అభ్యర్థులు ఆన్లైన్లో దరఖాస్తు చేసుకోవాల్సి ఉంటుంది.
- అభ్యర్థులు ముందుగా www.cewacor.nic.in వెబ్సైట్ను ఓపెన్ చేయాలి.
- వెబ్సైట్లోని Career @CWC ఆప్షన్పై క్లిక్ చేయాలి.
- ముందుగా నోటిఫికేషన్ వివరాలు అన్నీ పూర్తిగా చదవాలి.
- ఆన్లైన్ అప్లికేషన్ ఫారమ్ను క్లిక్ చేసి ఓపెన్ చేయాలి.
- New Registration పై క్లిక్ చేసి, మీ వ్యక్తిగత వివరాలు, విద్యార్హత వివరాలు, ఈ-మెయిల్ ఐడీ, ఫోన్ నంబర్ నమోదు చేసి.. రిజిస్ట్రేషన్ ప్రాసెస్ పూర్తి చేయాలి.
- మీకు వచ్చిన ప్రొవిజనల్ రిజిస్ట్రేషన్ నంబర్, పాస్వర్డ్లను జాగ్రత్తగా నోట్ చేసుకోవాలి.
- భవిష్యత్ అవసరాల కోసం అప్లికేషన్ ప్రింట్అవుట్ భద్రపరచుకోవాలి.
ముఖ్యమైన తేదీలు
CWC Apply Late Date : సీడబ్ల్యూసీ పోస్టులకు దరఖాస్తు చేసుకోవడానికి ఆఖరు తేదీ : 2023 సెప్టెంబర్ 24
