కరోనా సంక్షోభం మధ్య జరిగిన బిహార్ ఎన్నికల్లో అధికార యంత్రాంగం, ఓటర్లు ఉపయోగించిన చేతి తొడుగులు, ఫేస్ మాస్క్లు, ఖాళీ శానిటైజర్ బాటిళ్లు వంటి బయోమెడికల్ వ్యర్థాలు దాదాపు 160 టన్నులు అయ్యాయని అధికారులు తెలిపారు. ఈ ఎన్నికల కోసమని సిబ్బంది అవసరాలకు తగ్గట్టుగా ఎన్నికల సంఘం 18 లక్షల ఫేస్ షీల్డ్లు,70 లక్షల ఫేస్ మాస్క్లు, 5.4 లక్షల చేతి తొడుగులు, 7.21 కోట్ల సింగిల్ యూజ్ పాలిథిన్ తొడుగులను కొనుగోలు చేసింది.
అయితే ఈ వ్యర్థాల నిర్వహణ కోసమై అధికారులకు శిక్షణ కూడా ఇచ్చారు. కానీ ఉపయోగం లేకపోవడం వల్ల స్థానికంగా ఉండే పారిశుధ్య సిబ్బంది చేత వాటిని సేకరించే పనిలో పడింది.
బయోమెడికల్ వ్యర్థాలు హానికరం. వాటిని సేకరించే పనిలో ఉన్నాం. అవి సుమారు 160 టన్నులు ఉన్నాయి. వాటిని బయో మెడికల్ వేస్టేజ్ ఏజెన్సీతో రిసైకిల్ చేయవచ్చు. దీనిలో ఒక సవాలు ఉంది. ఈ ఏజెన్సీలు అన్నీ స్థానిక ఆరోగ్య కేంద్రాల నుంచి మాత్రమే వ్యర్థాలను సేకరిస్తాయి. పోలింగ్బూత్కి వెళ్లాలి అంటే కష్టం. బూత్కు ఇద్దరు చొప్పున సిబ్బందిని నియమించాం. వారే వాటిని సేకరిస్తారు. అక్కడ నుంచి ఆరోగ్య కేంద్రాలకు, ఏజెన్సీలకు చేరుతాయి. వాటిని గుర్తించేందుకు ట్రాకింగ్ డివైజ్ను యాప్ ద్వారా అందుబాటులో ఉంచాం.
-శ్రీనివాస్, ఎన్నికల అధికారి.
ఇదీ చూడండి: కాన్పుర్లో 'స్పుత్నిక్-వీ' క్లినికల్ ట్రయల్స్!
