దేశంలో కరోనా పాజిటివిటీ రేటు 5.20 శాతంగా ఉందని కేంద్ర వైద్య, ఆరోగ్య శాఖ వెల్లడించింది. ఇప్పటి వరకు రికార్డు స్థాయిలో 21.15 కోట్ల మందికి కరోనా పరీక్షలు నిర్వహించినట్లు తెలిపింది. దేశవ్యాప్తంగా ఆదివారం 6,20,216 మందికి పరీక్షలు నిర్వహించామంది.
కేంద్ర ఆరోగ్య శాఖ తెలిపిన వివరాల ప్రకారం...
- దేశంలో మొత్తం టెస్టింగ్ ల్యాబ్లు-2,393
- ప్రైవేట్ ల్యాబ్లు -1,173
- ప్రభుత్వానికి చెందినవని- 1,220
దేశంలో రోజూ ప్రతి 10లక్షల మందిలో 1,53,298కి కరోనా పరీక్షలు నిర్వహిస్తున్నామని కేంద్ర ఆరోగ్య శాఖ తెలిపింది.
- దేశవ్యాప్తంగా టీకాలు అందినవారు- 1,11,16,854
- వ్యాక్సిన్ మొదటి డోసు అందినవారు- 63,97,849
- రెండో డోసు అందినవారు- 9,67,852
ఇప్పటివరకు 37, 51,153 మంది ఫ్రంట్ లైన్ సిబ్బందికి టీకా మొదటి డోసు ఇచ్చామని కేంద్ర వైద్య ఆరోగ్య శాఖ తెలిపింది. 60.17 శాతం వ్యాక్సిన్ డోసులు 7 రాష్ట్రాల్లో అందించామని వివరించింది. కర్ణాటకలో అత్యధికంగా 11.8 శాతం టీకా డోసులు వేశామని తెలిపింది.
మహారాష్ట్రలో అత్యధికం
మొత్తం కేసుల్లో 86.3 శాతం.. కేవలం ఐదు రాష్ట్రాల్లోనే నమోదవుతున్నట్లు వివరించింది. మహారాష్ట్రలో రోజూవారి కేసులు అత్యధికంగా నమోదవుతున్నాయని పేర్కొంది. అధిక మరణాల్లో సైతం మహారాష్ట్ర మొదటి స్థానంలో ఉందని తెలిపింది.
భారత్లో క్రియాశీల కేసుల కంటే కరోనా నుంచి కోలుకుని ఇళ్లకు వెళ్లిన వారి సంఖ్య ఎక్కువని కేంద్ర వైద్య, ఆరోగ్య శాఖ తెలిపింది. ప్రస్తుతం దేశంలో 1,50,055 క్రియాశీల కేసులు ఉన్నాయంది. ఇది భారత్లో మొత్తం కరోనా బారిన పడ్డ వారిలో 1.36 శాతమని వివరించింది.
ఇదీ చదవండి : రెండు వారాల్లోనే కరోనా కేసులు 36% వృద్ధి!
ఇదీ చదవండి : దేశంలో 1.10కోట్లు దాటిన కరోనా కేసులు
