India Covid cases: దేశంలో కరోనా వ్యాప్తి స్థిరంగా కొనసాగుతోంది. ఒక్కరోజే 7,350 కొత్త కేసులు నమోదయ్యాయి. మరో 202 మంది ప్రాణాలు కోల్పోయారు. 24 గంటల వ్యవధిలో 7 వేలమందికిపైగా కోలుకున్నారు.
- మొత్తం మరణాలు: 4,75,636
- యాక్టివ్ కేసులు: 91,456
- కోలుకున్నవారు: 3,41,30,768
Vaccination in India
దేశవ్యాప్తంగా టీకా పంపిణీ కార్యక్రమం జోరుగా సాగుతోంది. ఆదివారం 19 లక్షల 10 వేల మంది లబ్ధిదారులకు వ్యాక్సిన్ అందించారు. దీంతో ఇప్పటివరకు పంపిణీ అయిన డోసుల సంఖ్య 1,33,17,84,462కు చేరింది.
ఆదివారం 8 లక్షల 55 వేలమందికిపైగా కరోనా పరీక్షలు నిర్వహించారు.
World Covid cases
ప్రపంచవ్యాప్తంగా 4,35,946 కొత్త కేసులు వెలుగుచూశాయి. తాజాగా 4,190 మంది ప్రాణాలు కోల్పోయారు. 24 గంటల వ్యవధిలో 3,54,937 మంది కోలుకున్నారు. అన్ని దేశాల్లో కలిపి రెండు కోట్ల 20 లక్షలకుపైగా యాక్టివ్ కేసులు ఉన్నాయి.
- అమెరికాలో కరోనా విలయతాండవం చేస్తోంది. ఒక్కరోజే 38 వేల కొవిడ్ కేసులు బయటపడ్డాయి. 167 మంది మరణించారు. మొత్తం కేసుల సంఖ్య 5 కోట్ల 8 లక్షలు దాటింది. మరణాల సంఖ్య 8 లక్షలకు చేరింది.
- బ్రిటన్లో కొత్తగా 48 వేల కరోనా కేసులు వెలుగులోకి వచ్చాయి. 52 మంది వైరస్ ధాటికి ప్రాణాలు కోల్పోయారు. మొత్తం కేసుల సంఖ్య కోటీ 8 లక్షలు దాటింది.
- రష్యాలో వైరస్ మృత్యుఘంటికలు మోగిస్తోంది. ఒక్కరోజే 1,132 మంది మరణించారు. కొత్తగా 30 వేల కేసులు నమోదయ్యాయి.
- ఫ్రాన్స్లో కొత్తగా 43,848 కేసులు వెలుగులోకి వచ్చాయి. 48 మంది కొవిడ్ బారినపడి మరణించారు.
- జర్మనీలో వైరస్ విజృంభిస్తోంది. తాజాగా 29 వేల కేసులు.. 123 మరణాలు సంభవించాయి.
ఇదీ చూడండి: బూస్టర్ డోసు ఇవ్వాలా, వద్దా? శాస్త్రవేత్తల మాటేంటి?
