రాష్ట్రీయ జనతాదళ్(ఆర్జేడీ) అధ్యక్షుడు లాలూ ప్రసాద్ యాదవ్ (Lalu-Sonia phone conversation).. కాంగ్రెస్ అధినేత్రి సోనియా గాంధీతో ఫోన్లో మాట్లాడినట్లు చెప్పారు. భాజపాను ఎదుర్కొనేందుకు.. ఒకే రకమైన భావజాలాలున్న పార్టీలను ఏకం చేయాలని, దీనికి సోనియానే (Sonia gandhi news) నేతృత్వం వహించాలని కోరినట్లు (Lalu yadav news) పేర్కొన్నారు.
బిహార్లో అక్టోబర్ 30న ఉపఎన్నికలు జరగనున్న తారాపుర్, కుశేశ్వర్ ఆస్థాన్ నియోజకవర్గాల్లో ప్రచారానికి బయలుదేరే ముందు విలేకరులతో మాట్లాడిన ఆయన ఈ వ్యాఖ్యలు చేశారు.
అవన్నీ అసత్యాలే..
అయితే.. లాలూ(Lalu yadav news) చెప్పినవి అన్నీ అసత్యాలేనని, సోనియాతో ఎలాంటి సంభాషణ జరగలేదని ఆరోపించారు రాష్ట్ర ఏఐసీసీ ఇంఛార్జ్ భక్త్ చరణ్ దాస్. అది జరిగి ఉంటే తనకు సమాచారం అందేదని అన్నారు.
ఈ నేపథ్యంలోనే.. కాంగ్రెస్- ఆర్జేడీ పొత్తు అంశం తెరపైకి వచ్చింది. విలేకరుల ప్రశ్నలకు బదులిచ్చిన దాస్.. ఉపఎన్నికల ప్రచారానికి ఒక్కరోజు ముందు ప్రజలను తప్పుదోవ పట్టించేందుకే లాలూ ఆ వ్యాఖ్యలు చేశారని అన్నారు. రెండు పార్టీల మధ్య ఎలాంటి సయోధ్య(Lalu-Sonia phone conversation) కుదరలేదని చెప్పారు.
ఉపఎన్నికల్లో రెండు స్థానాల్లో విజయం సాధిస్తామని ఆయన ఆశాభావం వ్యక్తం చేశారు. తారాపుర్లో ప్రజల నుంచి మంచి స్పందన వస్తుందని, కుశ్వేశ్వర్లో గతేడాది 6 వేల ఓట్ల స్వల్ప తేడాతో ఓటమి పాలయ్యామని అన్నారు.
''సంకీర్ణ ధర్మానికి ఆర్జేడీ తూట్లు పొడిచింది. ఆ పార్టీతో పొత్తులు ఉండవు. 40 లోక్సభ స్థానాల్లోనూ మేం పోటీచేస్తాం. 2024 తర్వాత ఏం జరుగుతుందో చెప్పలేం. కాంగ్రెస్ బరిలో ఉందని తెలిసి కూడా కుశ్వేశ్వర్ ఆస్థాన్లో ఆర్జేడీ పోటీ చేయడం నచ్చలేదు.''
- భక్త్ చరణ్ దాస్
2020 అసెంబ్లీ ఎన్నికల్లో కాంగ్రెస్, ఆర్జేడీ మహాకూటమిగా బరిలోకి దిగాయి. అయితే.. ఎన్డీఏ విజయం సాధించింది. ఆర్జేడీ అతిపెద్ద పార్టీగా అవతరించినా.. భాజపా- జేడీయూ కూటమే ప్రభుత్వాన్ని ఏర్పాటు చేసింది. కాంగ్రెస్ కొన్ని చోట్ల మాత్రమే నెగ్గింది.
ఇవీ చూడండి: తేజస్వీ వల్లే అర్జేడీ ఇలా ఉంది - లాలూ
