భాజపా అభ్యర్థిపై దాడి- వై ప్లస్ భద్రత కల్పించిన కేంద్రం

బంగాల్​లో దుండగుల దాడిలో గాయపడిన భాజపా అభ్యర్థి, మాజీ క్రికెటర్​ అశోక్​ దిండాకు సీఆర్​పీఎఫ్​ వై ప్లస్​ భద్రతను కల్పిస్తూ కేంద్రం నిర్ణయం తీసుకుంది. అశోక్​ దిండా.. ఎన్నికల ప్రచారం ముగించుకుని వస్తుండగా మోయనా బజార్​లో ఆయనపై కొందరు దుండగులు దాడి చేశారు.

బంగాల్​లో మోయనా అసెంబ్లీ నియోజవర్గ భాజపా అభ్యర్థి, మాజీ క్రికెటర్​ అశోక్​ దిండాపై కొందరు దుండగులు దాడి చేశారు. ఈ ఘటనలో ఆయన భుజానికి తీవ్ర గాయమైంది.

మంగళవారం నాడు ఎన్నికల ప్రచారం ముగించుకుని వస్తుండగా మోయనా బజార్​లో షాజహాన్​ అలీ, మరికొందరు తృణమూల్ కాంగ్రెస్​ కార్యకర్తలతో వచ్చి దాడి చేశారని అశోక్​ దిండా మేనేజర్​ ఆరోపించారు.

అయితే ఆయన ఆరోపణలను టీఎంసీ​ ఖండించింది. భాజపాలో అశోక్​ దిండాను వ్యతిరేకిస్తున్నవారే ఈ దాడికి పాల్పడ్డారని ఆరోపించింది. ఘటనపై ఈసీ ఆరా తీసింది.

వై ప్లస్​ భద్రత:

అశోక్​ దిండాపై దాడి జరిగిన నేపథ్యంలో ఆయనకు వై ప్లస్​ భద్రతను కల్పిస్తూ కేంద్రం నిర్ణయం తీసుకుంది.

ఇదీ చదవండి: నందిగ్రామ్ రణం: నాడు వద్దన్నదే.. నేడు ముద్దు!