మధ్యప్రదేశ్లో రోడ్డు పక్కన చిన్న తొపుడు బండిపై దుకాణాన్ని నడుపుతున్న ఓ మహిళ.. కత్తి చూపించి పోలీసులకే వార్నింగ్ ఇచ్చింది. ట్రాఫిక్కు అడ్డంకిగా ఉందని ఖాళీ చేయమన్నందుకు ఆగ్రహం వ్యక్తం చేసింది.
ప్రభుత్వ భూముల్లో, రోడ్ల పక్కన ఇష్టారాజ్యంగా తోపుడు బండ్లు, చిన్న చిన్న దుకాణాలు పెట్టుకొని వ్యాపారు చేసేవారిని ఖాళీ చేయించేందుకు 'అతిక్రమణ్ హటావో' కార్యక్రమాన్ని ప్రారంభించింది బేతుల్ నగర పాలక సంస్థ. అందులో భాగంగానే శనివారం దాదాపు 20 మంది పోలీసు సిబ్బంది సాయంతో కోటీ బజార్లోని, లల్లీ చౌక్కు వెళ్లారు అధికారులు. రోడ్డు పక్కన తోపుడు బండిపై.. కోడి గుడ్లు విక్రయించే మహిళను ఆ స్థలం ఖాళీ చేయమన్నారు.
అంతే, నేనేందుకు ఖాళీ చేస్తానంటూ వాదనకు దిగింది ఆ మహిళ.. దుకాణంలో పెట్టిన కత్తి తీసి పోలీసులనే బెదిరించింది. నచ్చజెప్పేందుకు ప్రయత్నించిన మహిళా అధికారినిని గాయపరిచింది. ఆ అధికారిని చాకచక్యంతో ఆమె వద్ద ఉన్న కత్తిని లాక్కున్న తరువాత, మహిళను అదుపులోకి తీసుకున్నారు పోలీసులు.
ఇదీ చూడండి:నడి సముద్రంలో అమెరికాను హడలెత్తించిన రష్యా!
