శాయశక్తులా కృషి చేస్తాం: నూతన కేంద్ర మంత్రులు

కేబినెట్​ మంత్రులుగా గురువారం ప్రమాణ స్వీకారం చేసిన ఎంపీలందరూ దేశాభివృద్ధికి శాయశక్తులా కృషి చేస్తామని చెబుతున్నారు. శాఖలు కేటాయించిన అనంతరం తమ కార్యచరణ రూపొందిస్తామని లోక్​ జన్​శక్తి పార్టీ అధినేత రామ్​ విలాస్ పాసవాన్​ తెలిపారు.

దేశాన్ని అభివృద్ధి పథంలో ముందుకు నడిపించేందుకు తమ శాయశక్తులా కృషి చేస్తామని చెబుతున్నారు కేంద్ర మంత్రులుగా గురువారం ప్రమాణ స్వీకారం చేసిన ఎంపీలు.

ప్రధాని నరేంద్ర మోదీ నాయకత్వంలో అత్యున్నతంగా పని చేస్తామని అన్నారు లోక్​ జనశక్తి పార్టీ అధినేత రాం విలాస్ పాసవాన్​. శాఖలు కేటాయించిన తర్వాత తదుపరి ప్రణాళికను మీడియాకు తెలియజేస్తామని తెలిపారు.

దేశ సేవకు తన సామర్థ్యం మేరకు కృషి చేస్తానని చెప్పారు కేంద్ర సహాయ మంత్రిగా ప్రమాణ స్వీకారం చేసిన అనురాగ్​ ఠాకూర్​.

కేబినెట్​లో ఒడిశా నుంచి ఇద్దరికి చోటు దక్కడం కీలక పరిణామం అన్నారు ధర్మేంద్ర ప్రధాన్​. ఇదే రాష్టం నుంచి అవకాశం పొందిన మరో కేంద్ర మంత్రి ప్రతాప్ సారంగి కూడా ఇదే అభిప్రాయం వ్యక్తం చేశారు.

కేంద్ర మంత్రులుగా వరుసగా రెండోసారి ప్రమాణ స్వీకారం చేసిన 36 మందిలో రాజ్​నాథ్ సింగ్​, నితిన్​ గడ్కరీ, స్మృతి ఇరానీ, నిర్మలా సీతారామన్​, ప్రకాశ్ జావడేకర్​ ఉన్నారు. అమిత్​ షాతో పాటు మరో 20 మందికి మంత్రిమండలిలో మొదటి సారి అవకాశం దక్కింది.

నరేంద్ర మోదీ సహా 58 మంది గురువారం కేంద్ర మంత్రులుగా ప్రమాణస్వీకారం చేశారు. రాష్ట్రపతి భవన్​ ఎదుట అట్టహాసంగా కార్యక్రమం నిర్వహించారు.

ఇదీ చూడండి: నమో 2.0: కొత్త సర్కారుకు సవాళ్ల స్వాగతం