'సరిహద్దు వివాదంపై ప్రధాని మౌనం వీడాలి'

భారత్​-చైనా సరిహద్దు ఘర్షణలో 20మంది సైనికులు అమరులు కావడంపై స్పందించారు కాంగ్రెస్​ నేత రాహుల్​ గాంధీ. వివాదంపై భారత ప్రధాని నరేంద్ర మోదీ ఎందుకు మౌనంగా ఉన్నారు? అని ప్రశ్నించారు రాహుల్​. అక్కడ ఏం జరుగుతోందో దేశ ప్రజలకు తెలియాలన్నారు రాహుల్​.

చైనాతో సరిహద్దు ఘర్షణలో 20మంది సైనికుల మృతి, మరో నలుగురి పరిస్థితి విషమంగా ఉన్న నేపథ్యంలో కాంగ్రెస్ నేత రాహుల్ గాంధీ స్పందించారు. ప్రధాని మోదీ లక్ష్యంగా విమర్శలు చేశారు​. సరిహద్దుల్లో చైనాతో నెలకొన్న ఉద్రిక్తతలపై ప్రధాని మోదీ మౌనం వీడాలని, తూర్పు లద్దాఖ్‌లో ఏం జరుగుతోందో తెలుసుకోవాల్సిన అవసరం దేశానికి ఉందని, ఎందుకు దాస్తున్నారని ట్విట్టర్ వేదికగా ప్రశ్నించారు రాహుల్​.

'సరిహద్దు వివాదంపై ప్రధాని ఎందుకు మౌనంగా ఉన్నారు?'

"సరిహద్దు వివాదంపై ప్రధాని ఎందుకు మౌనంగా ఉన్నారు? జరిగిందేదో జరిగిపోయింది ఇప్పటికైనా వాస్తవాలు చెప్పండి.

చైనాకు ఎంత ధైర్యముంటే భారత జవాన్లను చంపుతుంది. భారత భూభాగాలను ఆక్రమించేందుకు డ్రాగన్‌కు ఎంత ధైర్యం."

-రాహుల్​ గాంధీ, కాంగ్రెస్​ నేత

ఇదీ చూడండి: సరిహద్దు ఘర్షణలో 16 మంది చైనా జవాన్లు మృతి