మోదీ హయాంలో భారత భూమి చైనా పాలైంది: రాహుల్​

మోదీ సర్కార్ హయాంలో.. పవిత్ర భారత భూభాగాన్ని (గల్వాన్ లోయ) చైనా ఆక్రమించుకుందని కాంగ్రెస్ నేత రాహుల్ గాంధీ విమర్శించారు. ఓ రక్షణ నిపుణుడి వ్యాఖ్యలను ఉటంకిస్తూ, గల్వాన్ లోయ నుంచి చైనా తన బలగాలను ఉపసంహరించుకోలేదని, మోదీ ప్రభుత్వం ఈ విషయంలో మీడియాను తప్పుదోవ పట్టిస్తోందని పేర్కొన్నారు.

కాంగ్రెస్ నేత రాహుల్​ గాంధీ మరోసారి కేంద్ర ప్రభుత్వంపై విరుచుకుపడ్డారు. మోదీ ప్రభుత్వ హయాంలో భారత భూభాగాన్ని చైనా ఆక్రమించుకుందని ఆరోపించారు.

మోదీ హయాంలో భారత భూమి చైనా పాలైంది

"మోదీ పాలనలో ఏమి జరిగింది అంటే... పవిత్ర భారత భూమిని చైనా స్వాధీనం చేసుకుంది."

- రాహుల్ గాంధీ, కాంగ్రెస్ నేత ట్వీట్​

తప్పుదోవ పట్టిస్తున్నారు..

ఓ రక్షణ నిపుణుడు చెబుతున్నట్లు ఉన్న రిపోర్టును కూడా రాహుల్ తన ట్వీట్​కు జత చేశారు.

"వాస్తవాధీన రేఖ వెంబడి చైనా తన బలగాలను వెనక్కి మళ్లిస్తోందన్నది అబద్ధం. మోదీ సర్కార్ ఈ విషయంలో మీడియాను తప్పుదోవ పట్టిస్తోంది. మరోవైపు గల్వాన్ నుంచి భారత సైన్యాలు వెనక్కి మళ్లుతున్నాయి. ఇది దేశానికి మంచిది కాదు."

- ఓ రక్షణ నిపుణుడు

ఘర్షణ.. శాంతి?

తూర్పు లద్దాఖ్ గల్వాన్ లోయ వద్ద భారత్​-చైనా మధ్య ఇటీవల ఉద్రిక్త పరిస్థితులు నెలకొన్నాయి. జూన్​ 15న అర్ధరాత్రి జరిగిన ఘర్షణలో 20 మంది భారతీయ సైనికులు మరణించగా, చైనా వైపు కూడా భారీగా ప్రాణనష్టం జరిగింది. అయితే సైనిక చర్చల తరువాత ఇరుదేశాలు తమతమ సైనిక బలగాలను క్రమంగా ఉపసంహరించుకుంటున్నాయి.

ఇదీ చూడండి: 'పార్లమెంట్ సమావేశాలపై త్వరలో నిర్ణయం'