ప్రపంచంలోనే అత్యంత ఎత్తులో ఉన్న భారత సైనిక స్థావరం సియాచిన్లో ఇద్దరు సైనికులు ప్రాణాలు కోల్పోయారు. దక్షిణ సియాచిన్లో గస్తీ విధుల్లో ఉన్న సైనికులపైకి మంచు తుపాను విరుచుకుపడి ఈ ప్రమాదం జరిగింది.
సముద్ర మట్టానికీ దాదాపు 18వేల అడుగుల ఎత్తున శనివారం తెల్లవారుజామున ఈ ఘటన జరిగిన వెంటనే సహాయక బృందం రంగంలోకి దిగింది. మంచు చరియల కింద చిక్కుకున్న సైనికుల్ని గుర్తించి, బయటకు తీసుకువచ్చింది. వారిని అక్కడి నుంచి సైనిక హెలికాఫ్టర్లలో తరలించినా ఇద్దరు సైనికులు ప్రాణాలు కోల్పోయారని అధికార వర్గాలు తెలిపాయి.
నవంబరు 18న ఇదే తరహాలో మంచుతుపాను నలుగురు సైనికులు సహా ఆరుగురిని పొట్టన పెట్టుకుంది. సియాచిన్లో ఉష్ణోగ్రత మైనస్ 60డిగ్రీల సెల్సియస్ వరకు పడిపోతూ ఉంటుంది. హిమపాతం కారణంగా లద్దాఖ్ సహా కశ్మీర్లోని అనేక చోట్ల ఉష్ణోగ్రతలు సున్నా జిగ్రీల కంటే తక్కువ నమోదయ్యాయి.
ఇదీ చూడండి : యువ వైద్యురాలి హత్యపై దిల్లీలోనూ ఆందోళనలు
