కొవిడ్-19 ధాటికి చైనా గజగజ వణుకుతోంది. ఇప్పటికే ఈ ప్రాణాంతక వైరస్ కారణంగా ఆ దేశంలో 1,355 మంది బలయ్యారు. భారత్లోనూ ఇప్పటికే పలు కేసుల నమోదు కాగా.. తాజాగా దిల్లీలో ఒకటి, కోల్కతాలో 2 అనుమానిత కేసులను అధికారులు గుర్తించారు.
బంగాల్ ఎన్ఎస్సీబీఐ విమానాశ్రయంలో బ్యాంకాక్ నుంచి వచ్చిన ఇద్దరు ప్రయాణికులకు కరోనా సోకినట్లు అనుమానం వ్యక్తం చేశారు అధికారులు. వీరిని ఐసోలేషన్ వార్డులో ఉంచి పరీక్షలు నిర్వహిస్తున్నారు.
దిల్లీలో మరో కేసు!
బ్యాంకాక్ నుంచి దిల్లీ వచ్చిన స్పైస్జెట్ విమానంలో ఒకరికి కరోనా వైరస్ సోకినట్లు అధికారులకు అనుమానం వచ్చింది. వెంటనే ఆ వ్యక్తిని ఆస్పత్రికి తరలించారు.
ఈ ఏడాది జనవరి 17 నుంచి చైనా, హాంకాంగ్, సింగపూర్, బ్యాంకాక్ నుంచి వస్తోన్న ప్రయాణికులకు విమానాశ్రయాల్లోనే కరోనా పరీక్షలు నిర్వహిస్తున్నారు. ప్రస్తుతం చైనా నుంచి భారత్కు ఎలాంటి విమాన రాకపోకలు సాగడంలేదు.
ఇదీ చూడండి: కరోనా ఎఫెక్ట్: లఘుశంకకూ సమయమివ్వని దుస్థితి!
