కర్ణాటకలో చిరుతల అనుమానస్పద మృతి
కర్ణాటక మైసూరులోని నన్జన్గఢ్ తాలుకాలో మూడు చిరుతల మృతి సంచలనం సృష్టించింది. ఓ రైతు పొలంలో ఓ తల్లి సహా, రెండు పిల్ల చిరుతలు విగత జీవులుగా పడి ఉన్నాయి.
బందీపుర్ జాతీయ పార్క్ పరిధిలోని ఓంకార్ అటవీ ప్రాంతానికి ఆనుకుని ఉంటుంది అళ్లెరే. గ్రామానికి చెందిన చిన్నబసప్ప అనే రైతు పొలంలో తల్లి సహా రెండు పిల్ల చిరుతల మృతదేహాలు కనిపించాయి. స్థానికుల సమాచారంతో ఘటనా స్థలానికి చేరుకున్న అటవీ శాఖ అధికారులు మృతదేహాలను పోస్ట్మార్టమ్కు తరలించారు. చిరుతల మృతికి కారణాలను కనుక్కునేందుకు ఓ ప్రత్యేక బృందాన్ని ఏర్పాటు చేసింది అటవీ శాఖ. ఈ ఘటనకు సంబంధించి నేరపూరిత చర్యలు బయటపడితే తీవ్ర చర్యలు తీసుకుంటామని జిల్లా అటవీశాఖ వర్గాలు స్పష్టంచేశాయి.
ఇదీ చూడండి: లైవ్ వీడియో: వరదల్లో కొట్టుకుపోయిన లారీ
